الغريب وأشجان في حفل مزايين الإبل !!!!!!!!!

[أشجان]

في يوم الأحد 3-10-1428

الساعة التاسعة مساءً كنت أُعد تقريراً عن البطالة في بلادي في غرفتي بالطابق الثاني
عشر أوراق أكتب فأمزق

أحترت كثيراً في أن أكتب بطالة تبلغ 15% في بلد يضم أكبر بئر للبترول .. ومن عادتي إذا شرعت في الكتابه
فكل شيء يغلق الهاتف التلفاز أي مصدر للإزعاج ....

ولكن فاجأني صوت والدتي وهي تنادي أشجان أشجان (س)) على التلفون ترغب التحدث معك !!!

قلت في نفسي خير إن شاء الله عله أمر مهم نزلت مسرعةً لأرى ما الأمر ؟؟؟؟؟؟


س : أشجانقلبي ابي التردد تبع قناة ....... 2
أشجان : أي .... 2 أمانه من عقل داقه عالبيت تبين التردد ؟؟؟؟

س: أي أشجان مزايين الإبل موجودة عالساحة وأبغى أشوف مزايين الإبل
أشجان :دوري ما أعرف ال.......2
س: شجونتي لاتفوتك جنان !!!!!!!!

(((((انتهت المكالمة ))))))))))

.................................................. ...................................
ذ هبت لغرفة المعيشة حيث التلفاز وأخذت الريموت كنترول بيدي و أبحث عن مزايين الإبل ووجدت قناة ال........’ وقرأت رسائل mms بأسفل الشاشة قبيلة ..... وقبيلة ......... ووصلت قيمة المخيم 400000ريال

أنا كنت أقرأ وأنا صامته دون أي ردة فعل كنت أعتقد أنها لعبه بين المشاهدين

بعد دقيقه بالضبط عرض مزايين الإبل الخاصة بقبيلة ..................

أقول داخلي ماشاء الرحمن والله حلوه وحدث مالم أتوقع قرأت أن هناك ناقة تسام ب 3 ملايين

كدت أن أُجلط في مكاني 3 ملايين على ناقة معجزه و إلا ناقة

أغلقت التلفاز وذهبت لغرفتي أخذت أفكر قبل أيام نشكو غلاء الأسعار وكل شيء أصبح نار ما الذي حدث
لربما حدث شيئاً جديدا لا أعلمه

قررت أن أفتح جهاز الكمبيوتر و أدير المؤشر في قوقل و أبحث مزايين الإبل وقرأت مالم أقرأ والمضحك دخلت أحد المواقع و قرأت مكتوب بها جوال مزاييين الإبل !!!!!!!

ألف فكرة تدور بعقلي المشوش

|................................................. .................................................. .................

إلى مزايين الإبل يا أشجان ستبدأ رحلة العمر من أم رقيبه ...................


.................................................. .................................................. ............

طبعا في محافظة حفر الباطن حطت رحلتي والخوف من المجهول ومن الإبل !!!!!!!!
في يوم الخميس إلى أم رقيبه وحشد من السيارات والحضور والأطفال ,أنا بمظلتي ونظارتي الشمسية والكاميرا
صحراء كبيرة أخذت أردد في داخلي يارب وين أنا فيه ؟؟

ضاعت علومك يا أشجان وينك به ؟؟

بغيت أسأل واحد وين يجلسون العوائل لقيته يركض ومو فاضي !!!!!!!!!

وبعد خمسة عشر دقيقة من الوقوف على الرمال الذهبية اللي كنت اسمع عنها بالتعبير يوم نعبر عن اليوم الوطني

وتحت أشعة الشمس الحارقة ..

من بعيد شفت واحد يمكن يكون الوحيد اللي هادئ ورحت له قلت يا أخ لو سمحت فين يجلسون العوائل ؟؟

ضحك ضحكة عريضة وقال : وش اللي جايبك أنتي ؟؟؟

قلت : أبي أشوف المزايين !!!!!!!!!!!!!!!

قال : ادخلي بوصلك و أجلسي بالمكان اللي تبين !!!!!!!

وفي طريقنا إلى الرمال الحارة اللي بنجلس عليها .

قلت : لو سمحت من معي !!!!!!

قال : ليش ماني من المزايين اللي يبي يكرمون اليوم !!!!!!

قلت : لا بس بكتب وصية معك !!

قال : أنا الغريب !!!!!!

قلت : أختك أشجان
رد : مرحبا أشجان اجلسي بدأ الحفل !!

((فعاليات الحفل كثير ))

يوم جت القصيدة
((وحنا فعلنا وحنا حمينا وحنا سوينا ))

و أنا أقول وش ذا التعصب سبحان الله و ما كننا بديره وحدة

فاصلة حمراء:

وقال الدكتور العسيري يتضح من ذلك ان مهرجانات مزاين الابل قد كان "ثالثة الاثاقي"، فقد تحول من مهرجان وطني إلى مهرجان قبلي للتفاخر بأمجاد القبيلة، فالابل ليست إلا رموز يتم من خلالها ابراز قوة القبيلة، فقد عمدت كل قبيلة إلى اقامة مهرجان خاص بمزايينها، فتجمع التبرعات، وتقام المخيمات. وتدعو له شعراءها وابناءها من المسؤولين الحكوميين أو رجال الاعمال ، بمباركة مشايخ القبيلة وحضورهم مما يجعل المهرجان يتحول من مهرجان للابل إلى مهرجان قبلي .
رموز القبائل الجديدة .............


طبعا الغريب كان جالس يناظر يفكر إني تجننت

قال : معليش نبي نسمع !!!

قلت : وش تسمع ؟؟

طالع واكتفى بالضحكة نسيت إني ما أمون عصبت من غير قصد وطول اليوم ,أنا على أعصابي

(((((يوم قالوا الجوائز وانا أطالع قلت وش ذا ؟؟ يمزحون ذول !!!!))

قال الغريب : ماشفتي الفصام العام بكم ساموه ؟؟

قلت : ومن ذا بعد ؟؟؟

قال : بعير أجل آدمي !!!!!!!!!!

قلت : لا بكم ؟؟

قال: 12 مليون !!!!!!!!!

قلت : نعم 12 مليون بحيوان !!

قال: وطي صوتك لا تفضحين نفسك يطردونك الحين !!!!!!!!

قلت :12 مليون وعيالنا عاطلين 12 مليون وقطمة الرز ب 200 ريال 12 مليون ومدارسنا مباني مستأجره 12 مليون والحريم يبيعون عند الإشارات

قال : وش لقفك مال أبوك ؟؟؟؟؟؟؟؟؟؟
قلت :لا بس الله قال في القرآن الكريم ((واذا اردنا ان نهلك قرية أمرنا مترفيها ففسقوا فيها فحق عليهم القول فدمرناها تدميرا ((

و إلا البهايم صارت أغلى !!!!!!!!
قال : والله قال ((أفلا ينظرون إلى الإبل كيف خُلقت ؟؟))
ذا معنى أن الإبل مخلوق جميل ويجب نرعاه ونهتم به

يا أخوي وربي حرام الي يصير حرام مانقول شيء
يا أبو قلان أبل و أعز مايملكون ونعرف قيمتها بس مو لذي الدرجة أنا ماكنت أصدق
وش بعير ب 12 مليون أنا قلت حد السعر خمس مية الف أثري أتكلم عن قيمة العلف بس !!!!!!!

شوفي شوفي امسكي ذي صورة فحل الفصام




قلت : وربي لو كان سنام البعير ذا ذهب ما خذيته بكره يموت وتضيع 12 مليون بس لو انحطت ببناء مدرسه
مشروع للشباب ماتروح
قال : الحكومة ماتقصر
قلت : أي أدري الله يعز أبو متعب و أبو خالد والحكومة ماتقصر بس الحكومة تحتاج عون يد وحدة ماتصفق !!!!!!

قال : يابنت الحلال وكلي ربك ........
ترى سمعت إن البعير مات !!!!!!!
قلت : عندي سؤال ليش كل هذي الفلوس ؟؟ زود مال ؟؟ قل معرفه بأحوال أخوانهم هنا أو هناك ؟؟

يا لغريب من أي بوابه دخلنا ؟؟؟؟؟؟

أقصد من أي مكان أنحذفنا ؟؟؟؟؟؟؟؟؟

ضاق صدري يابو فلان خلاص طابت النفس ما راح اكتب لا تقرير ولا خربوط ولا خربوطة

أقول وين الكافتيريا ؟؟

قال والأخ يتمصخر : ليش بحرم الجامعة حنا !!!!!!! فيه أكلات شعبيه تبين ؟؟

ذاك الركن تشوفين !!!!!!!!

قلت : لالا طرت لي فكرة وين العلف ؟؟

رد : وشهو ؟؟

قلت . أي مو ب12 مليون سعره وش كان يأكل غير العلف ؟؟ وفوق ذا ساموه ب 12 مليون أجل بناكل من ما كان ياكل ونشوف سومة السوق بكرة علينا بكم تجي ؟؟؟؟؟؟؟؟


في الختام طبعا كان مجرد حوار ساخر بيني وبين قلمي وساعدني الأخ الغريب لأنني قد طلبت منة ذالك
و أتمنى ما أحد يزعل طبعا لو كنت متفرغة لسخرت أكثر من كذا مو عشان قبيلتي مو بالمزايين لا بس لأن اللي صار خبال

شيء مو معقول أبدا

أعرف جيدا أن مأساة التبذير لن تنتهي على يدي ولكن لابد للأصوات أن تصل !!!!!!!!!

طبعا كنت مسويه عرض بوير بوينت بس الخلفيه جمل ماتنفع