شكرا ويلان ..

[خلف الغريب]

من لا يشكر الناس لا يشكر الله ..

اتقدم بالشكر الجزيل لادارتنا الموقرة على تفضلها بجعل ديواني المتواضع الديوان المميز لهذا الشهر
وهذا الكرم لا يستغرب من الاخوين الفاضلين محمد المقبل وهندي المقبل
اللذين يسعيان بكل جهد لقيادة سفينة ويلان الى بر الأمان ...

اكرر شكري وتقديري لهما واقول : أنا منكم وفيكم ولكم ..

اتشرف بخدمة هذا الصرح شعرا ونثرا وبحثا وفي جميع الاوقات ....


اعيد هنا نشر قصيدتي التي شاركت فيها للمرة الأولى في هذا الصرح وهي هدية مني
لهذا الصرح العامر بأبنائه والى كافة ابناء قبيلتي :

سلام يا درة الامجاد والطيبه=احلى تحية وتمجيده وترحيبه
يا مجمع العز يا بيت الفخر شامخ=ا شجرة في ذراها العز والهيبه
ياعيال وايل عساكم للبقا دايم=ا كعبة الطيب يا قبلة محاريبه
سلام من قلب شاعر واحد منكم=دعت جزل القصيد وجيت بادي به
ما هو كثير لو امدح لابتي والله=يستاهلونه وكل الناس تدريبه
ان كان مايمدح اللي مثل هاللابه=يا آخر زمن وش بقى في جعبتك جيبه
ساس الفخر قبل ما يبعث رسول الله=والطيب يبنى على سابق مجاذيبه
تشهد لها الجن قبل الناس ما تشهد=فعل كما الشمس من يقدر يماري به
رقوا سنام المكارم واعتلو كوره=ذلول ما يتعب الركاب تدريبه
طاوعهم الطيب والله يعطي ويمنع=اطوع من السحب يوم الريح تقفي به
ترزمت واستهلت في مرابعهم=واثمارها العز والامجاد والهيبه
رجالهم ما حسب للنفس لو تذهب=من دون عزه كريم النفس يصخي به
المنذرية لجت بحصون ابن هاني=وعيا عليها ( ولد شيبان ) من طيبه
يقول كسرى عليه كسرة احلامه=ومن دونها راح كسرى ربحه الخيبه
شرب ثرى الارض من دمانهم واروى=وعظامهم مع هبوب الريح تومي به
بنوا من المجد صرح شامخ عالي=وفي غرة المجد مجد كنه الشيبه
وكل القبايل نعم من دون عانيها=كل العرب دون عانيها تعيي به
قبايل مدحها والله يشرفني=سجل لها المجد في زاهي مكاتيبه
وسلام في تالي القيفان ينصاكم=-والورد والند ياخذ طيب من طيبه

وللجميع التحية..