× عـــ آلمجنون ـــالمي [] و آنا بكيفي {}

[مازن الفهد]

يااااه .. ايش هذا ...
يؤيؤيؤيؤ
.
ياربي ..
.
الناس هذي ليش كذا .. الواحد احس انه مو انسان .. بصراحه .. الناس احس قلوبها قاسيه .. و اذا قالوا الخير موجود .. أقول ايه موجود بس قليل اللي يقدر الانسانيه ( تذكرت مسلسل بابا فرحان .. قولي يابابا و قول ع الخير ..و تجيك سمّوره بعد ام الخير .. قولي يابابا و قول ع الخير .. ثم جاك بابا فرحان من أقصاه .. الخير عايش جوا الناس .. بس ساعات الخير ينداس )
المهم ..
قبل فتره اسولف مع جدتي الله يعطيها الصحه و العافيه .. و عزوبي لازم اسأل عن فلانه بنت فلان .. ( يمكن الله يكتب نصيب و اتزوج )
المهم قالت و الله فلانه عمرها 30 سنه و لا تزوجت.. يؤيؤ ثلاثين سنه و لا تزوجت .. قلت : هي مزيونه .. قالت : ماشالله عليها لو شاف (فاندام) خلاها تمثل معه .. قلت : طيب وش المشكله .. قالت : لا و عندها ثلاث خوات غيرها و كلهن مجاويز .. يااااااه .. طيب ياجده وش المشكله .. تقول : ابوهن يقول اذا زوجتهن يطير علي الشون .. و ابيهن عندي استفيد من فلوسهن .. معقوله ياجده فيه ناس بهالحقاره هذي .. قالت : ياوليدي الطمع آكلن الناس و انت ما تدري .. قلت : بس ما أحرق قلب بنتي على شان كم ريال ..
قالت : الناس ماهي سوا .. قلت : لا يا جده يمكن موبايلي خخخخ و ما دريت الا جدتي تعطيني ذاك البوقس على خشتي .. على فكره جدتي تتابع ( جاكي شان ) و ( جت لي ) و افلام هنديه .. أحياناً ..ألقاها ماسك يد جدي و تغني .. و من الطناخه حاطه شخطه خضراء على جبهتها .. على بالها هنديه .. يا حليلك يا جدتي ..
المهم نرجع لمحور حديثنا .. الدوله تدفع مبالغ للبنات اللي ما تزوجن إعانه للشايب على بناته .. و ما قصرت الدوله و آخر شي أكتشف إن هذا يحرم البنات الزواج .. و الله لو تقطع الدوله عنهم الشون كان ؟؟؟؟؟ . ..