]] يـاالـلـه أنـــا طــالــبـــك [[

[مصلح النشمي]

المشاركة الأصلية كتبت بواسطة عبدالعزيز العدوان

بسم الله الرحمن الرحيم


أخواني الاعزاء

قصيدة جديده اضعها هنا لتنال شرف قرائتكم


واتمنى ان اجد لها مكان في قلوبكم النقيه الطاهره

وأسف على الغياب

يالله انا طالبك يا عالم الغيب = انك تزيل الهم من جوف صدري
وتغفر ذنوبي وتستر الحال والعيب = لين اتوفى واندفن بارض قبري
من بعد ذكرك ياالولي زان ترتيب = أجزل معاني القاف في بال فكري
قاف ٍ ينومس من هوته الرعابيب = من خافق ٍ بالقلب لا قلت شعري
معناه وافي ما تجيه العذاريب = بصدر النشاما هيل ودلال يطري
كنى قصيد الزير في موتت كليب = من قوة المعنى فزع كل بكري
يا هاجسي مثلك يعرف المواجيب = عطني من ابداعك وبعطيك عمري
ابيك تعجب ذوق من يفعل الطيب = اللي يحب المجد والخير كثري
وابيك وسط الملعبه تنبت الشيب = في راس ناس ٍ همها تهين قدري
ناس ٍ رديه تخاف طق المشاعيب = لا صارت الهيه مزاياي شبري
مثلي انا لامن رقيت المراقيب = بدري يزلزل هامتي شي بدري
يعني على قول المثل ماعلى الذيب = من هرج حاسد ما ملك بعض صبري
دامه يبيها بالشعر والمكاتيب = برسم على جدار السما ابداع حبري
وان كانها بالطيب حنا هل الطيب = وان مت يبقا عند الاجواد ذكري
وياالله يا المعبود يا عالم الغيب = تغفر ذنوبي لا توسدت قبري

شاكر لكم متابعتكم وشكرا" لسعة صدوركم


وتقبلوا


تحياتي وتقديري

وان كانها بالطيب حنا هل الطيب = وان مت يبقا عند الاجواد ذكري


والله وسبعة انعام اخوي ابووايل


صح لسااانك ملياااار


ما اجمل ان اكون اول المعانقين لابداعك


اعجابي

هناا


تحياتي