الشـــــــــــــــــــــــــيب

[طالب الونيس]

في يوم من الايام ذهبت للحلاق ووجدت عنده

شخصاً جالس على الكرسي والحلاق جالس بجنبه

ويتحدثون ويتبادلون المزح

بينهم وعندما شاهدني دخلت عليهم قام هذا

الشخص وقـــال

تفضل وكانت على رقبته منشفة الحلاقه وقلت له كمّل حلاقتك


وانا بعدين قال لا يابعد حيي انا مطوّل الحلاق حاطاً على لحيتي


صبغه ويقول لازم عشرين دقيقه على شان تجف


ولانا معطلك طبعاً يتكلم بلهجة احبابنا شــــــمّر


قلت كم تجلس هالصبغه قال اسبوع وارجع لكومار


ويزينه مره ثانيه وهكذا دواليك قلت لوسمحت


ويش اسم الولد قال اسمه فـــــــــــــراج





ــــــــــــــــــــــــــ قلت ـــــــــــــــــــــــــــــــــــ

ياعم عندي لك سوالاً بلا حراج=ياعم هوشيب الـرجل به معيبه
الشيب كان تحــاربه يابو فـــــــــــراج=لابد ماياخــذ عليك الـغـلـيـبـه
الشيب مايخفيه معــجون حــــــــواج=الشــيب طـــــلابٍ ويفلج طليبه
وفّـر فـلوســك مانت للصبغ مــحـتاج=وكومار من غيرك يحــــصل نصيبه
ماحداً ذكر للشــيب طـبٍ ولاعــــلاج=لوطال ضؤ الشمس لازم مغيبه
انكان شوف الشيب سوالك ازعـــاج=وهاضت شجونك تحسبنه مصيبه
كم شايباً قـاد السرايـا والافـــــــواج=وكم شايباً حل القضايا الـصـــــعيــبــــه
الشيب في وجه الرجل يلبسه تاج=يزود تقـــديره الى زاد شـــــيبه