الآماني فاشله

[محمد الصندلي]

مماراق لي
أتمنى ان ترقا لذوائقكم الفاخره








آتمنى والأماني فاشله
مثل من يطرد سرابٍ بمحله



مسّه اللاهوب واخفق جاش له
كل ماقرب تنزّح وابْحله



لاعريبٍ ولا مجيبٍ ناش له
ولا ذلولٍ توصل الطرقي هله



حايرٍ متحيرٍ ماباش له
شربةٍ تحييه من عقب ذحله



في خبوتٍ غبسها متهاشله
بلقعٍ صحصاح يزْملك حجله



يوم حظه في زمانه حاش له
الضما والخوف صابه وعقله



طارشٍ حظي كما مطراش له
طرشة الماخوذ ماله ونخله



من صروف البين كن يحاش له
إرضةٍ تاكل عروقه وسبله



انشدوا عبْث الدهر من عاش له
في صبا دنياه واليوم سمله



عن منازل حيّ اقفى ماشله
لارسومٍ ولا ضعونٍ مقبله



ياسقى الله منزل في واشله
شرق عن ديراب في دَمْث عبَله



يوم (ميّا) لابسه دشداش له
تتبع المظهور والبدو رحله



للحيا في موقعٍ ينحاشله
البهم وأشباه ( ميّا) تدهله



ساقوا المظهور مع قنطاش له
وعن مسيل السيل ننزل بدحله



عظيم ساري حاذفه ينحاش له
في سراب التيه نلعب وجهله



والغدير العذب نرد عطاش له
وإن ضمينا نشرب الماء بسحله


]
ماشربنا الثلج وسط غراش له
ولا سكنا حي رضوى وفلله



وإن لفانا الضيف ماننداش له
بابنا مفتوح من غير قفله




تاجي بن سعد السبيعي
رحمه الله