السلام عليكم
اعزائي يسرني ان اتواصل معكم بقصيدة اتمنى ان تحوز على رضاكم واعجابكم
ياربنا يا مبدل العسر باللين=ياكاشف اسرار العباد الخفيه
يامكونٍ سبع السماوات تكوين=ياجازيٍ بإحسان نفس تقيه
يارازق الايتام ويا المساكين=غصب على الحساد لوهي معيه
يالله بأمرك تخلق الناس من طين=يالله يالمعبود رب البريه
انا حزين ودمعتي داخل العين=وسود الليالي مابها مقدريه
تطعن ظروف الوقت مثل السكاكين=في صدري اللي منكوي الف كيه
عزاه ياقلبي غدا نصفه اثنين=وراحت حياته كل ابوها شقيه
تكفين ياسود الليالي على وين=مافيه ظرفٍ كود جبتيه ليه
يالله ياربي عسى وضعي يزين=قبل تقفي بي سهوم المنيه
يالله ما غيرك على وقتي يعين=من غير فزعاتك ضعيفة يديه
27/05/05, (05:03 PM)
يامبدل العسر باللين
العرض الشجري