الــشـعـر فـطـره

[مزيد المزيد]

قصيده اتمنى ان تعانق قلوبكم الطاهره ...

الشعر حاضر وراسي حاضر" فكره= لانسابت بيوت قافي من منابعها
ماجيت ابنشر قصيدي طامع بشهره= ولاني مثل من بغاها بس ضيعها
الشعر فطره وانا شعري على الفطره = لاقامت جنون شعري من مضاجعها
شاعر واقيس المعاني والعب بشطره = واركز حروف القصايد في مواقعها
والشعر سكره .. وانا بالشعر لي سكره = والروح تدلـّه وتنسى به مواجعها

.
.
.
.
.
.
.
.
.
.

ياليل باللّه قلي وش هي السهره= ويدين بقعا تفرك لي اصابعها
صغير سن" وعايش في رجا بكره =يضحك براءه على شفاته يصنعها
ياليل شفني قبالك حالتي خطره = وهموم وقتي تهددني مدافعها
لزمت صمتي .. واشوف الصمت لي حسره = وظلوع صدري تكسر من مجامعها
واليوم ضيقة خفوقي ولعت جمره = ماغير اسولف على نفسي واسمعّها

.
.
.
.
.
.
.
.
.
.

ياليل قل .. للرجال ان صابها بطره = لاطولوها تراني جيت بايعها
بالشعر سود النوايا مالها قدره = خل اعقل القوم لاصحصح يراجعها
وماكل علم" يجي لـه موجز ونشره = ولا كل زله يحصل من يرقعها

.
.
.
.
.
.
.
.
.
.

الصبح بيّن وقافي صابته كبره = والناس محدن على كيفه يقنعّها