الـــود ,,, ودي .. نفتــرق... ونتـــلاقــا (أحمد السبيعي)

[أحمد السبيعي]

المشاركة الأصلية كتبت بواسطة شاعري

الــود ودي نفـتـرق ونـتـلاقـا
وتشوف بعيونك وش يسوي الشـوق
ابيـك تعـرف لأنتهـت هالعـلاقـا
وشلون اعيـش ودنيتـي مابهـا ذوق
نسيتنـي حتـى اصـول الصـداقـا
وقصرت مع ربعي لجل خاطر الموق
يزيدنـي حبـك ولــع واشتيـاقـا
ابك انت ما تدري عن القلب محروق
القلب فـي بعـدك يزيـد احتراقـا
تطبخ من الاوجاع وتقول لي ذوق !!
الـي يحبـك تبتعـد عـن نطـاقـا
والي يغيضك للأسف ترفعـه فـوق
وضعي صعيب وحالتي مـا تطاقـا
مثل الكسيـر الـي توطنـه النـوق
والي طلـب فرقـاي بطلـب فراقـا
لو هـي اهميتـه مـل دم العـروق


صح اللسانك يابن آخي ولكن لي ملاحظه وهي القافيه وكيف بدأت بقافيه كان من المفروض الألتزام بها
وانت قلت في البيت الأول بقافيته (ونتلاقا) وهذا أما ان تستمر بقافيه تنتهي (بألف) أو تغير قافية البيت الأول
لأن باقي قوافي الشطر الأول للقصيده وحتى نهايتها مثل(العلاقا)..(الصداقا)..(فراقا) وهكذا كان يجب أن تنتهي بقافيه
على حسها النطقي مثلا(العلاقه)..الصداقه)..(فراقه)... هذا وأرجو اني لم أثقل عليك بهذا الشرحلأن القصيده جدا جميله ولا ظهرت هذه الملاحظه التي اتمنى أن تكون خطأ مطبعي ليس أكثر ........ وصح اللسانك مليووووووووون

اولا اشكر مرورك الكريم


انيا بخصوص القافيه اعتقد انه لا يوجد اختلاف كبير بين (العلاقه والصداقه واشتياقه) مع ( علاقا وصداقا واشتياقا)

وخصوصا من ناحية النطق



لكن لو جعلتها ( علاقه واشتياقه) (تهضم حق بعض الكلمات مثل (اشتياقا) المقصود فيها الاشتياق والهاء تجعلها ضمير غائب مقصود به شخص اخر




عموما كذا ولا كذا تمشي القصيده





واشكر وجهه نظرك


لاني فعلا بالاول احترت اخليها ( قـــه او ـقـا )





اقبل تحيتي