امه تهل الدمع من عينها حزون - °~*¤®§(§ شبـــكة ويــلان العـربـيـه §)§®¤*~ˆ°

**مهجع الحسني** · 12/03/07, (12:58 AM)

امه تهل الدمع عينها حزون
يالله يالمعبود ياخالق الكون

يالليَ عبيده كلها ترتجي له

تفرج لمن هو داخل السجن مسجون

صارت على ظهره حمولٍ ثقيله

عبد المجيد بسجنه اليوم مديون

وان ماوفينا الدين وعزتي له

ظرفه صعيبٍ ودي الناس يدرون

مع التكاتف كل حملٍ نشيله

امه تهل الدمع من عينها حزون

وابوه يرجي عزوته تنتخي له

طيشن من الشيطان خلاه مسجون

وان مافزعت عناز يتبع قتيله

ياعيال وايل والعدد فوق مليون

برا وداخل الخليج وخليله

ياشيوخ وايل افزعوا لاتهونون

لو هو من عشر ريال تديَ القبيله

وتكفون ياهل الخير تكفون تكفون

لاتصير الانفس بالمواقف بخيله

تكفون ياشيوخٍ على الخير تسعون

نعتق لوجه الله نفسٍ عليله

وانخى الدعاه بساحة الحق يدعون

اليتكلم حجته هو دليله

وامَارنا وتجارنا لاتمنون

ومن انفق بدنياه ترى تجي له

بحساب شيخ كاسب الاجر ممنون

سعد العتيق وجعلها له سهيله

الشاعر / مهجع بن هويدي الحسني العنزي