[size=6]بصمات خالده000
ياصفوة ملوك العرب سلمت خطاك=عداك ربي يابو فيصل خطرها
الله يجيرك يافهدنا ويرعاك=يافرحة بلاد العرب يامطرها
خالد الفيصل
سلامة رأس ابوفيصل فهدنا=زعيم المجد في يوم الزعامه
عظيم الشأن تمم به سعدنا=وزالت عن سماء الدار الغمامه
بندر بن فهد بن سعد
يالمملكة صارت لشيخك سلامات=الشر زال وسلّم الله فهدنا
حلال عسرات الامور الصعيبات=اللي رفع بالعز راية بلدنا
خالد بن يازيد
نور البشاير لاح في وجه سلمان=لاحت تباشير الفرح في جبينه
استبشرت من فرحته كل الاوطان=واستبشرت كل النفوس الحزينه
بسلامة الفهد المفدى كحيلان=عسى الولي يمهل لنا في سنينه
بدر بن فيصل الدويش
سلامتك يااعدى عداة العذاريب=ليت المرض يختار غيرك ونفديك
نفرش لك قلوب الوفا بالتراحيب=ويعجز بك الانصاف من وين يوفيك
ذعار بن نايف بن محيا
لاح الفرح والشعر زانت طروقه=واحلى البشاير رددت عبر الاعلام
بقومة فهد حبيب شعبه وشوقه=رجل السياسه والرياسه والاقدام
سيفٍ حفظ لكتاب ربي حقوقه=وساهم بنصر الدين وبعز الاسلام
نفسه لخدمة بيت ربه سبوقه=خادم بيوت الله لها تاج ووسام
مها رباح محمد الحربي
[/size]