رحبوا معي بالشاعر المبدع زاحم النومسي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الثابت** · 18/05/07, (10:37 PM)

اخواني اعضاء شبكة ويلان العربيه

باسمكم جميعا ارحب بالشاعر المبدع / زاحم النومسي

الذي انظم الينا ونقول له

ياهلا ويامرحبا

والدار دارك يابو شايم ونحن سعداء بتواجدك

وانا متاكد اننا سوف نرى كل الابداع من شاعرنا زاحم النومسي

واذكر له بعض الابيات :-

بعد اليقين بمن علم بالتفاصيل *** بالله مابالنفس شكاً وريبه

ايمان بالمكتوب من دون تأويل *** والسعي بالدنيا عباده وطيبه

قلم ودفتر والوفاء والفناجيل *** وجداً ينومس كان جيت اعتزيبه

وله ايضاً :-

لك الراية البيضاء مثل مايبين سهيل *** حقوق الرجال اللي على الطيب نذخرها

وانا كل طيب له معزه بقلبي حيل *** معرفه تشرف ماخسر من يدورها

واذا الشعر جاء من قلب مايقبل التاويل *** يبي ياصل قلوباً نقيه سرايرها

وله ايضاً :-

الحق يبقى طيب ماهو نهابه *** لوطالت الدنيا تدور الدواليب

راع الخطاء لابد يبطي صوابه *** مهما يودي قاصر العرف ويجيب

واللي شهد بالزور يلقى حسابه *** من لايقول الصدق يلقى عواقيب

ومن راح مع درب المراجل لقابه *** طيب الرجال اللي لهم يشهد الطيب

وله الكثير والكثير من القصائد الجزله

الشاعر زاحم النومسي مرة اخرى نقول لك ياهلا ويامرحبا

وبانتظار دررك

وتقبل تحياتي وتقديري