قـولـي له ان الخطا من زود تـطـنـيـشـه

[مشعل الضوي]

ياشرهة الصاحب اللي مسكنه عيني=يسقيك نوّ الغلا من عقب تغبيشه

روحي لمن هو عزيز ٍ من عزيزيني=وقولي له ان الخطا من زود تطنيشه

وقولي له ان الوصل مابينه وبيني=لاينقطع ويتحمل دفع بخشيشه


.
.
.
.
.
.
.
اعاتبه والعتب ماعاد يرضيني=لاصار ناتج عتاب الوقت تهميشه

احيان اقول الخطا أثقل من سنيني=واحيان اقول الخطا أخف من ريشه

واحاول انسى واداري ضيقتي فيني=عن عين هرجة قفا .. عن كف تنبيشه

واطلق عنان الخيال اللي معنيني=واذكر زمان البراءه قبل تشويشه

يوم الغلا من عيون النبع يرويني=واسقي به القلب واروي له معاطيشه

تعبت ادور عذر واعطيه بيديني=عذر التعب والزمان المر والعيشه

.
.
.
.
.
.
.
.
.
.
.
.
يااااااااخي وش اللي حصل ؟؟ وش فيه خافيني =من قبل ترسل جنود الصد مع جيشه

لاشفت مني خطا والذنب كاسيني=تعال قلي خطا لايزود بي طيشه

لاتترك الوضع غامض في عناويني=ولاتترك الهرج تلحقني تناويشه

ما للجفا بيننا سلم وقوانيني=لازم نواجه برود الوقت ونعيشه

يمديك تلحق وصالي .. وانت يمديني=الحق وصالك وادور لك مطاريشه


.
.
.
.
.
.
.
.
.
.
.
.
.
.
وترى العتب من غلاتك وانت تعنيني =وترى الغلا ينمحي لازاد تطنيشه



وترى العتب من غلاتك وانت تعنيني =وترى الغلا ينمحي لازاد تطنيشه


وترى العتب من غلاتك وانت تعنيني =وترى الغلا ينمحي لازاد تطنيشه


يعلم الله يا بو راكان حاولت ان اقتبس شي من هذه الباذخة فلم أجد!!!!!!!!!!!!

لانها مليئه بالجمال المفعم بروحك الصادقة واحساسك النبيل..........

قصيدة رائعة لها مكانتها في سجلك المليئ بالجزالة وهذا ليس غريب منك ..........

فأنت من الشعراء الذين استمتع بروائعهم دائما............

الحديث عنك وعن ابداعك يطول ..........

ولكن صح لسانك وتقبل تحياتي.........