ابتدا حرفي معك يطلب رضاك = وانتهز فرصة حياته با القصيد
المشاعر ضاميه تطلب سماك = جعلها با الوصف تمطر من جديد
من غلاك الشعر كله من غلاك = حرر حروفه بهازيج ونشيد
في بحرها ما ترى عينه سواك = في عيونك لان من عقب الحديد
وابتدت تنزف جروحه من حلاك = خايف ٍ من وصف حرفه ما يجيد
لكن اسمع دام شعري انتشاك = حالفٍ لجعل حروفه لك عبيد
يا قمر يعكس قمرنا من ضياك = نور وجهك في سمانا يوم عيد
والمحاجر رمشها فيه اشتباك = معركة كفار مع ابن الوليد
ولا تجادلني بصدر ٍ ما خفاك = لايق ٍ شكله ومن نوعه فريد
الشهد اصلاً انتاجه من اشفاك = ردها عني وقل علم ٍ اكيد
يسعد الله لي صباحك مع مساك = كيف اكمل والحلا دايم يزيد
جل رب ٍ كملك واحسن عطاك = ويا عسى الله يمنحك عمرٍ مديد
26/05/07, (05:20 AM)
أبتــدا حرفــي معـــك
العرض الشجري