// صـيف الـريـاض //

[عبدالله عايد]

اسعد الله جميع اوقاتكم بكل خير

اعزائي تقبلوها كمشاركه على تقصير مني وآمل ان تنال قليلا ً من رضاكم ا

الصيف قرب ثم تزايد بشوبه = وجو الرياض اليوم وصـّل لخمسين
ما عاد فيه احد ٍ يجي يم صوبه = من حره اللي صار كنه براكين
غدا علينا يالسنافي عقوبه = لا موتر ٍ ينفع ولا مكيف ٍ زين
خلا الرجل يكره من الحر ثوبه = والبنت تكره ضيـّقات الفساتين
نوب ٍ حراره // نوب معها رطوبه = واليوم لامن راح كنه عن اسنين
خلا الشمالي يلتفت وش ذنوبه = ويحسب اعماله من الزين للشين
ثم اجتمع ربع ٍ وعلم ٍ حكوبه = لا قررو شي ٍ بدو فيه عجلين
تجمعو كل ٍ يطالع جيوبه = سألتهم وش فيه ؟! // ردو بماشين
جهز شناطك دام دم العروبه = باقي بنا وصله وطعمه وشفقين
الشام كنه يرتعش من هبوبه = وحنا ذبحنا الحر وسط المساكين
جو ٍ عليها يا لسنافي اعجوبه = لامرت النسمه على شجرة التين
نبغى نشوف الما ونبغى العذوبه = ونرشف قراحه بين خضر البساتين
ونبغى نشوف التل وش هم قروبه = تغيرو ولا على العرف باقين
نسكن بوسط الشام والدير نوبه = ونوبه على قسيون // نوبه على وين
لأن كل الدار دار محبوبه = وسكانها ناس ٍ مع الضيف ذربين
قاع ٍ خضار وكل منهم وطوبه = بيرجعون بكاش // ولا بعد دين
وان فرت الميدان شقرا لعوبه = يصرف زهاب العايله والوراعين
يالله مشينا والسنين محسوبه = والعمر يمضي بين ليله وثنتين
قلت اصبرو // كل ٍ يحدد اسلوبه = وانا مزاجي غير وانتم مقفين
كل ٍ يحدد مشربه وسط كوبه = وانا بحط السالفة بين بيتين
الحر // والسافي // وزود الرطوبه = في وسط داري كنها كحل للعين
والزحمه اللي في طريق العروبه = تسوا الحدايق بين برزه وتشرين

وسلا1111111متكم