الله ياخذني قولي آآآمين

[سعد النفج]

قصيده بسيطه أرجو أن تحوز على رضاكم
والعذر على القصووووور

//////


سعد النفج يقول :

الله ياخذني قولي آآآمين يابنت=ويحطني داخلك ما بين الاضلاع
ابسكن ضلوعك سنه دامني منت=مونت سفيه ٍ ما يراعي للاوضاع
واذا عن جموع البشر ما تبينت=قولي لهم .. سعد على ما اعتقد .. ضاع
واذا جلسوا حولك وانا غصب هيجنت=تنحنحي .. أو .. طقطقيلي بالاصباع
أو قولي اسكت يا صدى الصوت لا هنت=وانا فطين و عارف ٍ درب الاسناع
ليا حانت اللحظه وانا لأمرك اذعنت=أغير الموال يابنت و بساع
تدرين وش ناوي أسوي و زينت=ناوي أقلد دقت القلب بإسراع
واذا السنه مرت وبفراقك ايقنت=ابنقش اسمي بالحشا نقش ملتاع
واذا الجماعه قالوا: العام وين أنت=الشكوى لله قصتي ما لها اقناع
حتى لو احلف بالذي فيه آمنت=قصه خياليه و في نسجها ابداع
يا منتهى العفه ترى صِــدْق حزنت=روفي بقلب ٍ ضيقت فيه الاوجاع
يكفيني اني في خيالك توطنت=ما هوب لازم مسكني بين الاضلاع

وسلامتكم...