** أسلوبك مرررررهـ كيووووووت **

[شمــــــــوخ]

::

مســـــــــائكمــ ورد

::

من زماااااااااااااان عن العــــــــــام الله يحييني بمحلي : )

دوغري ستريت ع الموضوع فايز

::

فيه شي ملاحظ في الشعب السعودي إنه ما يحقر نفسه لو يموت ..

مره كنا في مطعم فرايديز و كان فيه ثنتين بجنبنا .. كل خمس دقايق " اكسيووووووزمي " ..

همن يجيها واحد من الستاف أبو قرد ذاك .. و تقول اللي تبي همن يروح .. همن " اكسيووووزمي " ..

" اكسيووووزمي " .. و .. " اكسيووووزمي " .. و .......... " اكسيووووزمي " ..

ودي رحت و نصحتها تحفظ لها كلمة ثانيه غير " اكسيوزمي " ذي .. مير ليتها تنطقها صح بعد اللهم لا شماته: (

وحده تنط الحين تقول شمـــوخ مسويه في أمها و يعنني لغه .. باللهي أطلعوا من راسي قبل أتفلت عليكم

.. بس : " رحم الله امريء عرف قدر نفسه " .. وشوله الواحد يتفلسف و يرز عمره على قل سنع ؟

ليه إذا صار ودنا نتكلم لغة ثانيه ما نروح و نتعلمها صح .. قبل نخلي نفسنا مطنزه قدام الأوادم ؟!

قبل فترة مب قريبة .. كان عندي موعد عند الدكتوره .. وجالسه انتظر دوري ..

جات وحده و جلست تفحط سنه تبي تقول للممرضه إنها تبي تقيس ضغطها الحين ..

و ما بقى فعل ولا كلمة ولا حرف إلا و صفته ما باقي إلا تمسك الأرقام و تبدأ تسمّع " ون تو ثري "

.. المشكله الممرضه تفهم عربي .. طيب آمنا بالله حتى لو ما تفهم إلا أردو ..

ياختي أضعف الإيمان قولي " ضغط ضغط " وافغصي يدتس .. وشوله البرستيج الي مب في محله أبفهم ؟!

عاد جلسات الحريم و سوالف البنات شي آخر و حكاية تانيه خاااالص ..

وحده الله يستر عليها .. كلن يدري إن مستوى لغتها عادي و يمكن أقل ..

لكنها لو تموت ما تحتسي جمله إلا و تلفز كلمتين انجليزي غصب طيب تنفع ما تنفع مكانه مب مكانه

( أوف كورس / امبوسيبيل / نوو ووووي / كووووووول / كيوووت ) ..

مخليتن عمرها مطنزه الله لا يبلانا .. مير الواحد يتذكر سوالف و يستغفر لا يستاثم في ذا الخلق : (

::

نجي للأسئله :

1- هل أنت من الشخصيات اللي تحب تستعرض و ترزز باللغه اللي عندك ؟

من النوع اللي " نو وي " " آي كانت " " آم سوري " ... etc ؟

2- وش وجهة نظركم في الشخصيات اللي تحتسي انجليزي و كله غلط

و قدام الخلق و مع ذلك ما عندها مشاكل و لا تهتز فيها شعره ؟

3- هل تؤيد إن الواحد لازم يتكلم و يستخدم اللغه حتى لو كانت غلط في البدايات ..

لأنها هي الطريقة الصح لإتقانها في النهايه ؟

4- موقف محرج تفلسفت فيه بالانجليزي و ودك لو انشقت الأرض و بلعتك ؟

5- كلمة انجليزيه لازم تستخدمها ع الأقل يوميا ؟ و ليه ؟


::

ما نستغني عن تفاعلكم طال عمركم تراي مبطية ماحطيت موضوع هنيا

<< يعني شتبين ؟ هع



أحلى تحية لأقدع ناس ..
::


شمـــــــــــوخ