مساء طيبه لــ أبعد مدى ..!!
يا عين شيهانٍ على الوكر مرتـز
ماخاب صقـارٍ علـى الوكـر رزه
أشعلت قلبـي نـار وأنـا أتعـزز
وما يجتمع بالقلـب حـبٍ وعـزه
"عد" الهوى لو غاض..لا بد وينز
ويبقى الغلا مابيـن نزحـه ونـزه
حب النقا والطيـب لا بـد يبـرز
حبٍ على المكشوف مافيـه بـرزه
أهفيت حبٍ قد رفعنـاه فـي عـز
يا شين غدر الصاحب اللي تعـزه
شد الغرام اللـي بقلبـي تمركـز
وبيرق غرامك طاح من عقب ركزه
وأوراقكم يا"زيـن" لا بـد تفـرز
وتنشر نتايجها بعـد كـل فـرزه
وفيروس حبك بأنزعه لـو تلـزز
وأستخرجه لو هـو بعيـدٍ ملـزه
وأنزع غرامٍ داخل الجـوف يغـرز
وأشق صدري لو ثمانيـن غـرزه
شجرة غرامك مالها غيـر تنجـز
والله ياعرقٍ نبـض لـك لأجـزه
ولو مرنـي طاريـك والله مافـز
قلبي ولو حتى تقول: ( أستفـزه)
"خيلي" امعودها على الطرد واللز
لا تنخدع بحصانـك اللـي تلـزه
محدٍ يعاف "الحر" ويبرقع "الـوز"
يربط سبوق الطير في ساق "وزه"
"سيفٍ" صقيلٍ لكن القلـب مهتـز
والسيف فعله من يد اللـي يهـزه
تم الكلام الـي بنيتـه علـى "إز"
قافٍ على "إزٍ" وقافٍ علـى "إزه"
الشاعر سعيد الحمالي ..
فايز البذيلي لا عاد تتركه جوالك !!
09/10/07, (06:14 PM)
محدٍ يعاف "الحر" ويبرقع "الـوز ..؟!
العرض الشجري