ياعيد أول ياطعمٍ غيـــــــــــــــر

[اميرة الحرف]

هو صحيح العيد بكره بيجي قولي يايمه؟؟
ليش هو وين ساكن قولي يايمه؟؟بنتي اللي عمرها أربع سنين
بعدها أربع سنين
تفهم إشمعنى الحنين! تفهم أي انسان ساكت تحسب بإنه حزينيمه منهو العيد قولي !!
يمه بيسير علينا!!!
نبغى نلبس لبسنا اللي جديد!!!
يمه نسلم عليه؟؟ أنحني أقبل ايديه!!!
هو غريب ولا واحد من عمامي قولي يايمه
ليش دايم مايجينا؟؟؟
يمه اذكر هو صحيح العام جانا!!!
ايه يمه أنا شفته يوم جانا
صح رجال طويل وثوبه أبيض
هو صحيح هو عيد عمي صح يايمه؟؟

لا ياقلبي ماهو هذا العيد
ماهو برجال طويل
ولاهو فستان جديد
ولاهو في حفنة حلاو
ولاهو في لعب ونشيد

يووووه يابنتي أدري ان اللي اقوله
شي اكبر من مقوله
شي أكبر من حدودك من مساحات اعتبارك
يمه هذا العيد أول كان أول
شي ثاني طعم ثاني

كنا نتجمع زمان تلتقي بأحلى مكان
كنا نلعب كنا نرقص كانت الفرحه ماتوسعنا جميع
أهلنا قلوبهم بيضا
وشباب ثيابهم بيضا
وجداني لحاهم البيضا
بياض مثل لون الثلج...
يغسل قلوبنا دايم
لانكره... ولاحسد ... ولانحقد..
ولانسمع سفاف الهرج....
ياعيد أول ياطعمٍ غيــــــــــر
ذكرتك يازمن بالخيـــــــــــر
وش بقى قولي يايمه: كان يجيكم عيد دايم؟؟؟ دايم يسير عليكم؟؟
وحنا يمه ليه دايم مايجينا؟؟


لا يمه كان يجينا مرتين بالسنه بس كان بحضوره يغسل اللي فات قبله
مثل ماهو الحين يجيكم كان يجينا بس غير كان غير



عيوووف