,’,’,’ انا قصيـــدي ماعرف مصــدر الخـــوف ,’,’,’

[مشاعر حالمه]

السلام عليكم ورحمة الله وبركاته



عيدكم مباارك ومن الفايزين والسالمين ان شاء الله <== متأخره صح هع

والله خاطري اعطيكم ابيات اعايدكم فيها بمناسبة هالعيد السعيد

لكن هذي عيديتي لكم مكتوبة قبل رمضان

شخصٌ كتب هالأبيات لأنه ازعجني وانسان قلق يوم قلت باهجيه

كتب لي هالأبيات الجزله <== امحق جزله خخخ

ان كان لسانك ينطق البيت مردوف
..........................فانا لساني يقصف البيت ويصوف
ما اقتنع بكلم غيري,والقاف ملفوف
..........................جزيل شعري يسكت لسان ملقوف
قاف حر..شراً..زف..بالنار محفوف
.........................من راساً صلب..اشهب صلف مشيوف
ما يعرف الهزل والمزح والزبن ولا الخوف
.........................منزل روس القرم.. وبالارض مكتوف
راسي راس الشيخ مزبن المزروف
.........................ما ينكس الهامه ولو الموت مقبل ومخووف..
هذا كلامي ومسبق بعجل وسوف
.........................قبل الرقاد وكور القيصد يطلب الغوف

^

حتى بعض الكلمات مادري أي لغة هع

المهم هاكم قصيدتي فيها شوكولاته باتشي وبيتيفور ^_^

على فكره ترى الشخص كان يسوّي معي مقلب عُرض في برنامج

في شهر رمضان المبارك وانا حسّيت انه مقلب لكن هو مصّر يرفع ضغطي

لين هجيته هع وعلّـــمني في الأخير انه مقلب :m_haha:

الزبـــــــــده هاكـــم الأبيــــــــــــات

أول قصيدك رتّبه قاف وحـروف=بعدين علمني الشعر كيف بيتـه
انا قصيدي ماعرف مصدر الخوف=يفزّلي يفزع الـى مـن نخيتـه
تجيني ابياتي على خيل معسوف=خيّالها فارس ومسمـوع صيتـه
وانتا قصيدك كنّه خبال مصفوف=والله مانـي فاهمـه لـو قريتـه
لنها قصيده مابها وزن معـروف=انت الذي ذنب القصايـد جنيتـه
أمدّ شعري لابغيته علـى كفـوف=وارميه في وجه العـدوّ لابغيتـه
يعني كذا أبيه صاروخ وسيـوف=يرمي شظايا ويسلخ اللي هجيته
الله يسامح واحدٍ حيـل ملقـوف=اللـي تبلّانـي وانـا مابليـتـه
رتّب قصيدك رتّبه قاف وحروف=وتعال علّمني الشعر كيف بيتـه

وسلامـــــــــــــه تسلّــــمكم

تحيتي لكم

مشاعر حالمه