المشاعر هزها جرمٍ تـــــــرون

[خليف بن موعد]

انشاءالله تحوز على اعجابكم

يالله المعبود يامنشي المــــزون =
= ياقريب برحمته للي دعـــــــــاه
ياعظيمٍ له عباده يرتجـــــــــون =
= ياكريمٍ ما يخيب من رجــــــــاه
جل شانه يابغى شي يكـــــون =
= يخلق المعدوم ملموسٍ نـــــــراه
بعد ذكر الرب سجلت اللحــــون =
=لاجل دارٍزاد في قلبي غــــــلاه
المشاعر هزها جرمٍ تـــــــرون =
= يغضب الرحمن ماهو في رضاه
من وطنا ضدنا ناسٍ يغـــــزون =
=قلبوهــم ضـــدنا كفــرٍ عصــــاه
الوطن غال علينــــا مايهـــــون=
=عنــــدنا مالله خلـــق دارٍ ســـواه
مايعبـــر عن غــلاه المبدعــون =
=والله انــه طيبنـــا ريحــة ثـــراه
دارنا هي عزنا حضن الحنــون =
=الله اللــــي بالشريفين اصطفـــاه
زادنا قــــوة تلاحــــم مايكـــون =
=مايفــرق صفنـا فكـــر الغــــزاه
والله إنا في ولانـــــا مانخــــون =
=من يخون العهد ملعـونٍ ثـــــواه
كلنا ال سعود ضد المرجفــــون =
=الوطن بــارواحنــا حنــا فـــــداه
دامنا بكتــاب ربــــي مهتدـــون =
=والنبي ماشين في نهجــــه وراه
يأهل التفجـير قولوا وش تبــون=
=فعلكـم للجـرم وش اللـي دعــــاه
آلة ضـد الوطــن تستخدمــــون =
=مـا سألتـم مـن دفعكـم وش وراه
حطكـم بالضيـق ناسٍ يخدعـون =
=مـازقِ والله مــامنــه النجـــــــاه
وش كسبتم غير ذنبٍ تكسبــون =
=والنفـوس اللي قتلتـم وش خطـاه
كم ذرف من جرمكم دمعةعيون =
=اليتيــم اللـي يصيـح أمـه وأبـــاه
بينــوها بــأي حــق يتَمــــــــون=
=والبريـه ويـش حلل بـه دمــــاه
تخدعون الناس بالدين تخســون=
=والله ان الديـن منكـــم في بـــراه
تقتلــون انفوسكـــم لا تمسكــون=
=من قتـل نفسـه جهنـم هـي جـزاه
كانكم لأهل النصيحه تسمعــون=
=ارجعـوا للحق عـن فعـل العصـاه
الوطـن دونـه رجـالٍ يــاقفـــون =
=بإذن رب البيت ما يقرب حمـاه