ارجو ان تشفع لي هذه القصيدة لابتعادي عن هذه الشبكة الجميلة في الفترة السابقة وذلك بسبب بعض الظروف وشكرا لكم
قلبي يحبك ياحياتي ويغليك = وقلبي هواك وصرتي انتي فواده
وقلبي عشقك و بعالي الصوت يدعيك =وردد صداه وجاوب انك مراده
ولجت ضلوعي مستعدة لطاريك =حتى انحناها شوق ضم واراده
لانك ترى ارضه ودمه مغذيك =وايضاً سماه ويعني انك بلاده
وانت المزون اللي بقلبي مرابيك =اشوف واسمع برقها وارتعاده
واحس شيئاً من مطرها يداريك =رد الوفاء حقٍ وهذي افاده
ردت وقالت من غلاكم ابرويك =وقامت تديم وارتوت في زياده
طليت وشفت الباذر اللي مزهيك =ونوارها كنه لصدرك قلاده
وشفت الزهور اتفتحت في مفاليك =والعشب الاخضر يبتسم في سعاده
وحتى عصافير الشجر غردت فيك =ونسمة هواها تقول فيكم اشاده
وحتى شعاع الشمس يداعب خطاويك =وقوس القزح يتبعك يدور وداده
هذي حياة القلب لاصار يغليك =تبقى مصيف القلب وتبقى براده
اغليك ياحيي وقلبي يناديك =انت الحياة بزينها وبنكاده
وسلامتــــــــــــــكم
11/01/08, (10:00 PM)
قلـــــــــبي
العرض الشجري