حصار غزه مستمر فوق الاسبوع - °~*¤®§(§ شبـــكة ويــلان العـربـيـه §)§®¤*~ˆ°

**زياد الشمري** · 28/01/08, (01:15 AM)

ياعين هاتي دمعك اليوم مــدرار = وهاتي جميع اللي تخفى من دموع
ياعين انا مقهور في داخلي نـار = ضاقت بي الحيله ادور على سنوع
جانا الخبر عبر الجرايد ولاخبار = مطبوع ولا بـالإذاعـات مـسـمـــوع
قالو لنا غزه تعـانـي من حـصـار = ثم جا خبر بعده عن إنشاء مشروع
ياهي مصيبه منظر الذل والـعـار = اللي على وجيه العرب صار مطبوع
وشلون احفاذ الخنازير الاشـرار = داسو كرامتـنـا بـالاكــراه والطـــوع
وشلون؟ ياعالم تـنـامـون بالـدار = وحصار غزه مستمر فوق الاسبوع
ولاهو حصار الا إبـاده للاعـمـار = وتدمير شعـب يناضل لحق مشروع
تخـيلو !! حرارة الجو بالاصفار = وجدار هده قصف والبـاب مـجـدوع
الاب ضاقت به وسيعات الاقـطار = واطفال تصرخ بينهم عود مصروع
والبرد هجماته من يمين ويسار = منظر أسى في داخل الدار موضوع
هذا مجرد غيض من فيض ماصار = لامـاء ولاكهـرب والامداد مـقـطـوع
حتى حدود الجار من دونه جدار = لو انهدم فـتـره وتـلـقــاه مـصـنـوع
ياليت لويقبس سنا الحرب بالنار = يمكن نحرر شعب عـانا من الـروع
وهالحل لشعب العرب حيل جـبـار = أصعب على هالشعب من حبة الكوع
يالـله يالـلي تـعـلم السـر وجـهـار = يافارج الكـربـه عـلى كـل مـفـجـوع
تنجي شعب غزه من حصار الاسوار = وتامنهم بلطفك من الخوف والجوع

إدعو لهم ياإخوان أقل شي نقدمه