عاجل:عبدالله الثابت ..وقصيدة مطلق النومسي..!!!!

[مصلح النشمي]

.



تبرع الاعلامي الاستاذ عبدالله الثابت ((المستشار الاعلامي ومشرف منتدى المناسبات

وأخبار الشعراء في شبكة ويلان العربية))

بمبلغ وقدره 10.000الاف ريال للتصويت للشاعر خلف المشعان في شاعر المليون وتم ايداع المبلغ

في حساب عيسى المشعان وذلك بعد سماع القصيدة الرائعة للشاعر الكبير مطلق النومسي..والتي يساند

بها أخيه وصديقه المقرب خلف المشعان والذي سيبدأ هذا اليوم المرحلة الثانيه من شاعر المليون...


.




وإليكم قصيدة شاعرنا المتألق ابوفهد...
.

ما هو عشان يقال مطلق قال من عرض القصيد=ولا هو عشان الفشخرة والجعجعة وماورا
ولا هو عشان اشوف ضحكة زيد وخية عبيد=ولا هو عشان ادخل بلعبة بيع والا مشترا
الا عشان الدم والنخوات والعهد السديد=ادروبها واللي درا يعلم اللي مادرا
ابوي رباني على الفزعة وانا توي وليد=يقول ابن عمك ذراك وصر لبن عمك ذرا
واليوم يالويلان خلونا نتكاتف من جديد=لو ان جرح قلوبنا توه جديد ومابرا
لعيون ابو موسى نبي نضرب بكفٍ من حديد=وحنا بضرب القوم معنا عرف طيب وخبرا
نبي نزلزل شاطئ الراحة وداره من بعيد=ونخلي العالم ورا ورا ورا ورا ورا
حنا هل البيرق وبيت الحرب والصيت المجيد=اقولها والعين تنظر فوق والصوت جهرا
قوموا عسا يفداكم الرعديد ابو عقل بليد=هذي مداحم روس ماهي بس لجنة وشعرا
يوم انها بمصادم الفرسان ما عشنا عبيد=عشنا ملوك وفرق ما بين الثريا والثرا
والحين بس رسالة الجوال والمبلغ زهيد=ليا التزم كل عنزي والدم بعروقه جرا
وانا ادري ان عيال وايل ذخر لليوم الشديد=ابشر بعزك يا خلف مشعان وعيونك ترا
شوف عنزه لجلك لها شهرين عيت لاتهيد=وتقول حنا معك بين النصر والموت اخشرا
فلا تضايق لا عدمتك واشعل الساحة قصيد=ادرك لنا التصويت والجوال ما يمسك سرا
وانا خويك محزمك درعك عضيدك يالعضيد=ما غيب عنك وتدري ان مطلق خلي من المرا
ذي لحيتي لعيون نوت وشاربي موسى بعيد=واللحيه اللي ما تعزا اشنابها(.....)

شكرا من القلب ابووجدان..ابو فهد ... وعزالله ماهي غريبه عليكم..



تحياتي