@_** عيدي **_@

[سعد النفج]

ان مر عيدي وانت عني بعيدي=وشلون ابرحم حالتي عقب فرقاك
مسّرعك يالمجمول عني تحيدي=شديت عني ما تونست وياك
مامداني افرح بالقدوم السعيدي=من العصر للمغرب وشدت مطاياك
ماتدري ان مقابلك عيد عيدي=وماتدري ان العيد يكمل بلقياك
وانا لي الله عقبك اجلس وحيدي=واقول دنياااايه متى تصير دنياك
متى أشوفك دون حاجز وقيدي=ومتى العرب يدرون باللي تمناك
يا صااااحبي والله ماقبل مزيدي=الصبر طااال وخافقي وسط يمناك
اعدّ ساعات الليالي واعيدي=واعدّ نجمات المجره والافلاك
واقول يالله جعل عمره مديدي=اللي ملك قلبي وهو ضمن الاملاك
و من عدّ باقي العمر مايستفيدي=ماغير يبعد غصن و يجر الاشواك
وانا ان حسبت العمر يزداد كيدي=واطريك بلساني بلاحس وادراك
وابكي دموع ٍ من فراقك تزيدي=واقوووول ماخطابك سعد يومه اغلاك
واليوم ابكتب غايتي بالقصيدي=غاية حزين ٍ ما قدر يوم ينساك
حبك طفح بالقلب علم ٍ وكيدي=وصلت حد الموت والطب قرباك
وانا حياتي بأمر رب ٍ مجيدي=ان هو كتب لي عيشه اعيش وياك
و ان ماحصل لي قربك ..اقطع وريدي=واشق صدر ٍ مانسي كل ذكراك
واصير من قصة غرامك فقيدي=فقيد في عمره يدور لك رضاك
فقيد ذاق السم سم ٍ شديدي=مطعون قبل السم والسم فتاك
ماله دوا والصبر ماهو مفيدي=ياقلب شف حبك بالاكفان غطاك
كنت احسب انك بالمحبه حديدي=واليوم اشوف الحب للقبر وداك
الحب ما ياوي لقلب ٍ جويدي=يقطع حبال القلب ياقلب شرواك
لكن عسى لقياك في كل عيدي=ولايعيد يا سيد المزايين فرقاك