" حــروب الســلاطين "

[سعد النفج]

السلام عليكم ورحمة الله وبركاته ..

ليا جتني ردود العرب حول عشرين=اقنع بشعري.. لو شويت قناعه
لكن بلاي ليا قرا شعري الفين=واثنين ردو .. بس .. بين الجماعه
والله يجيني احباط .. والمجتمع زين=لكن قصيدي محتمل به لعاعه
ما من ظليمه ..لكن الشعر له عين=ردة فعل جمهور .. يهوا اطلاعه
لهم على شعري حقوق ولهم دين= إما قرو والاّ اهتنوا في سماعه
من ثورة الاحساس لين اكتب و لين=بالمنتدى ينحط مثل الوداعه
ولا همني .. لو اختلف فيني اثنين=هذي آراء الناس وايضا" قناعه
بس الصحيح ,, اني قلبت الموازين=ما هو غرور إلا ثقه بإبتداعه
ولانكر جميل المنتدى قبل عامين=يوم الشعر عاش القهر والمجاعه
في داخلي ثارت ( حروب السلاطين )=تفرقو والكل عايش صراعه
شتات .. واستعمار ماله قوانين=فيها الضحايا بين ساعه و ساعه
ما يحكم الاوضاع عاده و لا دين=و كم واحدن من فوق يصبح بقاعه
و اليوم توحيد الشعر فيه تمكين=سلم و هنا ماعاد فيها لكاعه
والدوله الي وحدتها على اسمين=في ( منتدى الويلان ) سمع(ن) و طاعه
و ان جيت ادون مختصرها بشطرين=و مجاملتنا بالقصايد وجاعه
ابختصرها و الخلاصه بثنتين=شعري سفينه و الخلايق شراعه