ألا ياكـيف تـتركـني حـزيـن ٍ في زمان اليـاس=تخـليـني مـع احـزاني أعاني لوعة سنيـني
زمان ٍ غـربل ايامي ورانـي العـذاب اجـنــاس=يجيني لابغـيت اضحـك يعـذبـني ويـبكيـني
زمان ٍ كشـَّر انـيـابه تولاني وانـا مـحــتـــاس=أدور فرحـتي وينه وانا اسأل ياتـرى ويني
أنـا عـايـش وحـيدٍ مايـسلي وحـدتي جــِـلاس= ماغـير مقابل عـيونك يواسيـني ويسـليـني
ترى لو شفتك بعيني غدى قلبي قوي الباس=أجابه جـملة هموم ٍ جرت داخـل شراييني
تمنيتـك تجـي جـنبي وتـسقـيني الهـنا بالكـاس=مـدام ان بـالعمر باقـي دخـيلك لاتخـليني
أنا مـن لهفـتي وشوقي أحـبك حـب مايـنـقاس= لو اخفي حبك بقلبي غصب للعالم يـبـيني
وجـروحـك لو تعـنيني خـفيفه كـنها نـسـناس=أخـبي جـرحـك بـذاتي كأنه مِـنـِّـي وفـيني
تدور الدنيا وتسبب مآسي في حـيـاة النـاس=ولو زينـه بـِدى مَـره تحـوَّ ل زينها شيني
واناعانيت بالدنيا وخذيت من الحـذرمقياس=وانا مـؤمن بما يكتب مـن اقدار ٍ تلاقـيني
حبيبي لاتخليني حزين ٍ في زمان الياس=دخيلك لاتخليني أعاني لوعة سنيني
وسلامتكم جميعا
20/04/08, (11:34 AM)
زمـان الياس
العرض الشجري