صالح سالم الجعفري @@وائل لنا جداً ونفخر بطيبه = رفيع ساس ومن نوادر ربيعه @@

[تركي صالح]

الاخوه الافاضل
السلام عليكم ورحمة الله وبركاته

هذه القصيده لوالدي الشاعر/ صالح بن سالم القروعي الجعفري
عسى الله يطول بعمره

قمت بوضعها بين يديكم وعلى مرءا منكم

لتعانق قلوبكم الطاهره وأذواقكم الرفيعه

وائل لنا جداً ونفخر بطيبه = رفيع ساس ومن نوادر ربيعه
ليا اعتزينا فيه ما هي غريبه = حفظ النسب مذكور ضمن الشريعه
عزوه لها بالمجد والحرب هيبه = منا صناديد الرجال الشجيعه
ومن شذ منا لغيرنا ما نجيبه = حنا نكفي بالامور الشنيعه
السيل يجري مع مجاري شعيبه = ولامال عن مجراه يعد ضيعه
من شذ من وائل لغيره نصيبه = مع القبائل يذكرونه وزيعه
عزوه باسم جداً لنا نقتديبه = وائل لنا جداً وعزوه رفيعه
حنا بني وائل جبالاً صعيبه = مثل الجبال الراسيات المنيعه
اللي يبي يصدنا ما دريبه = خطه ومخطوطه رسوس وبديعه
يا محرف بالتاريخ خيبه وخيبه = لو قلت قولاً ربعنا ما تطيعه
حنا لنا عزوه وكلاً دريبه = وائل لنا عزوه براس الطليعه
والا انت ذكرك صاقطن ما وحيبه = تبي تجي وائل وضيعت ريعه
ما نتبع اللي غادين عن قليبه = كنه يبي عناز يدخل ابيعه
قبائل الويلان يسقط طليبه = ثمان جموعً بالديار الوسيعه
الولد من دون البحر غرب طيبه = بين الشمال وغرب يرتع قطيعه
والولد الثاني غرب حائل قريبه = لهم دكاك الارض أرضاً نفيعه
ودار العماري نجد لحد الشعيبه = لشمال عرعر بالديار الشبيعه
وضنا عبيد تقيم بارضاً خصيبه = شمال عرعر وارضهم ما هي قيعه
ودار الرويلي والجلاسي رحيبه = من الجوف لحد طريف ما حلا ربيعه
وجنوب من تيماء لحد القليبه = دار المنبه ما خذوها خديعه
وائل هو ساس اجدودنا نعتزيبه = ما هو علينا مدخلينه نزيعه
لو معتزينا فيه تبقى معيبه = جداً لنا لو مات /// ذكره نشيعه
اللي ذكره من القبائل عريبه = في شجرة الناموس ترجع جميعه
كل الجموع الطاحنه تنتخيبه = والام تعرف ما بخاطر رضيعه
اما تضمه ما تشح بحليبه = ويفكها من خاربين الطبيعه
ذكراً ذكرته للعقول اللبيبه = من كان يصغي والمسامع سميعه
قولاً ثبات وكل حي يحكيبه = وائل لو بعنا بلادنا ما تبيعه
كثر النقاش وريبة الصدر ريبه = الشر شر وخاتمته القطيعه
الناس تعرف صافيه من سريبه = والهرج هين من يذيعه يذيعه
اللي مقامه فوق كلاً حبيبه = الناس بحوج مسيرين الشريعه
ترى طرات الهرج صفوة مصيبه = والسيف فعله بااليمين السريعه
سوق الجماله بيع به واشتريبه = وعيباً على اللي ما يقدر صنيعه

وتقبلوا خالص التقدير والاحترام