رد على قصيدة ابن هندي

[عبيد الله مهل الشملاني]

أيه الاخوة والاخوات أعضاء وزوار شبكة ويلان العربية

هذه القصيدة رد على الشاعر ابن هندي عسى أن تنال رضاه واستحسانكم

يامرحبا ترحيبة كلها نور=ترحيبة الوالد بالابن الحنوني
خاضع جناح الذل مايقطع الشور=لابوه يعرف نظرته بالعيوني
مغلفه بالورد ممزوج كافور=باقة خبير الورد باشكال كوني
أقوم بهداها بعد بسطة النور=الورد له مع بسطة النور لوني
شمس الصباح ملونه تقل فسفور=رق النسيم العذب يتناغموني
لعذب السجايا من ضنا العم مسطور=اليا ضاقت الدنيا خويي وعوني
أفداه بالروح العزيزة عن الجور=وانا خصيم عداه لو باغتوني
مشكور ابن هندي على المدح مشكور=مشبع عيون القوم قبل البطوني
الطيب فطرة فيه ماهو بديكور=يوم أن بعض الطيب شرط أربعوني
وثني الترحيب باحساس وشعور=للمنتدى واللي بعد يكتبوني
ادارته واعضاه قطرات بقطور=مويا ذهب حلقات يتلاحموني
ابداعهم يوم أني القاه منشور=احساس فكري فيه يتزاحموني

والسلام عليكم