يالله طلبتك ياولي يامرسل محمد رسول= ترحم غريب ٍ قد شقى في غربته لين ارتوى - °~*¤®§(§ شبـــكة ويــلان العـربـيـه §)§®¤*~ˆ°

**سيف العنزي** · 28/10/08, (10:30 PM)

البارحه دن الفكر جبت القلم وابديت أقول= كيف الهوى يغلب على صاحبه دام انه هوى
يالله دخليك من زمن يقلب موازين العقول= شي يخلي في سواد الراس شيبه قد ضوى
بعض الاوادم قد زما يمشي على دق الطبول= والبعض الاخر في زمان العولمه قد هو غوى
ناس ٍ مصالح ليتها تمشي على سلم الاصول= درس الجهل دستورها والعلم ِ منها قد خوى
بعض الرجال بلا ذكرمثل الغصن طلع و نزول=مثل الحصيني وش فرق لجالها هج وعوى
رجل تصنت للنساء باللي تبي واللي تقول= معصوب راسه في دجا والطيب ِ ماقد له نوى
كم واحد ٍ يجمح طمع يمشي على عرض ٍوطول =ثم تكوع وارتحل روح زمانه والتوى
رجل بلا طيب وعلا جعله يفارق ويزول= مثل البهيم ولافرق مدام عقله قد جوى
رجل بلا كرامته عساه في وقت المحول= ماحاد عن صف الرجال الا ضعيف قد زوى
من لاحسب للمرجله مسكين في غب وجهول= واللي علا بالمرجله يبقى حديث اهل الروى
يالله طلبتك ياولي يامرسل محمد رسول= ترحم غريب ٍ قد شقى في غربته لين ارتوى
قلت القصيده وأختتم عندي طلب وابغى قبول= كان لمشاكلنا دوى وين الدوى ياأهل الدوى