الفـــــــــــــايـــــــــــقرا

[محمد المغيلث]

الأخوان

من الأرشيف وايام ورود الفايقرا

قبل الماي بخ طبعا هههه

لعيونكم

ارجو ان تحوز على الأعجاب

,






,






,






,






,






,






,

ياراكب اللي لامشى ينعش انعاش=وربان طاره مولع بالمماشي
ساحر ويسحر من حضن طارته جاش=يجيش عقله والنظر فيه جاشي
جياش يرهش خافق اللي به ارهاش=من لفه ابغفله يجيه ارتهاشي
مايطلب إلاواحد مابها ارعـــــــاش=اليا لف طاره مايجيه ارتعاشي
الا وسواقه دفع قيمتــــه كــــــــاش=يومن نوى يشري دفع فيه كاشي
خمسة اصفار بأيمن الرقم يابلاش=كيش على اوراقه ولا هو متحاشي
ساق الدراهم حزمة ماهي اطشاش=مــــــــاقـصده من راتــــبه والمعاشي
ماخوفه سعره ولا عنه انحــــــــاش=ساق الثمن ثم الحقه قول لاشي
من دار هتلرمصنعه ماهو اغشاش=مامصنعه بمبي ولا هو كراتشي
فياقرا منهو تمعن بــهـــا انـــداش=ينداش فكره والنواظر تلاشــــي
اللي غدا منه الشبح سمعته ماش=من عقــب ماهــو طيب صار ماشي
من يملكه يفتح بالإبهام ماناش=ويشغله لـو هــو بوسـط الـــفـراشي
الا وعداده فـــلا هــو بغشـــاش=لــيزر ويعــطي بالــديار الغبــاشــي
ويوجد بـه الشاشه وتلفاز وفلاش=وإنذار ينذر لاقرب للــعــتـــــــــاشي
والكنترول اللي للاقفال طواش=يذهـل بـنـزعـه للقفول الخواشــــي
واجنوطه النيكل على شكلها داش=مـنـهو عــجــز لايـشـتـريها يــداشــي
والفرمله نـظامـها مـابـه اقـراش=عـن الــزلق ما صـمموها هــشــاشــي
أي ,بي ,مع الإس ,والسماء رشها طاش=صــمــم نـظـامــه للـوحـل والحـراشـي
ومسجله في وسطها يدوش إدواش=بمكبرات الــصـوت ســبــع الـدواشـي
وأنوارها وإليا أبرقت ترعب الماش=يرعب بـه الـعالـي لـو إنـه رمــاشــي
إليا ارمشت في عاليه تجعل اغباش=عـلى نــواظر مـن لـحـظـها غبـاشـي
تبرق بالأزرق ضوحها يدهش إدهاش=من خـايـلـه بـاكـبـاسـها راح داشـي
ليزر تشل إبضوحهـــــا كل طراش=تـجعل حدق عينه خلية خشاشـي
ياراكبه بالله طلبـتـك ابـمـطـراش=وليا طلبـتك قــل حـاضــر ومـاشـي
هاك البيوت اللي لها خافقي ناش=وإليا انتشى الخافق يـجيه الجياشي
من نوش فكري ماكتبته تمرقاش=اصبـهـا صـب الحـلى بـالــغــراشــي
هاك المثايل فصلت لون دشداش=واللي نظمها فاهم بـالـحــواشــــــي
الا بعد ومـدنـدشـه بالتـمــنــداش=والـقـافـيه منحوتة بـنـقـش فــاشـي
وده لمنهو لاعرف زبدته شاش=خبير سـابــق مــاهو الـيـوم ناشــي
وده لمنهو بالقوافي ولد با ش=يفهم عظيم المـبـهـمــا ت اللـــواشــي
وده لبن مسـبط علي واكرب الجاش=لو ان بن مســبــط بوجهــه بشاشــي
الطيب عــلـمـه والمكارم لهــا حاش=والنعم صيته وللمواجــيــب حاشـي
قل ياعلي شوف الجدي دونه اكباش=يوم الجدي رمز القضـي بالدباشــي
لاياعلي مابـيـنـنا ســربـة اوبـاش=متـعـشـعـشـه ماابيننا كالخشاشــي
إليا بغى سهيل الجدي يطرق افراش=فـي سـنـة الله حـرمـه كل واشــي
ياتيه منهو يجرح القلب خد اش=عشرين حرف يطلقه من كلاشـي
بين الغثى ومسممات التمحراش=يكيله اللي لافـرط كـالـرشاشــي
اركو بجوفي مشهب ملهبا خاش=في وسط جوفي معطبا له تشاشي
الحامي اللي باللظى صرقع الفاش=وأعطب وصال مكهرب الحب غاشـي
شقى شقى من شوشح الطيب خفاش=يوم ارتشى راح الحياء بالقراشــي
سطى سطىفي خافق الجوف دشاش=وخلى سمو امهبهب الروح حاشي
يصفق اضلوعي صفقة الباب بدشاش=بـذراع باتــع ماعـجـبــه الـنقاشــي
خلى اللحم والدم والعظم فش فاش=والفكر سدر بنزعة الحب جاشـي
خفاق جوفي ياعلي صابه ارباش=قام ايتمرقص ياعلي به هشـاشـي
مما جراله لو دخل غرفة انعاش=لاياعلي ماظن يلـقـى انـتـعـاشـي
وشلون يلقى والهوى كنه اللاش=يهين منهو بالهوى راح طـاشـي
مغرم خطافي مخه اليوم منقاش=في غرز راسه لو ركز مايعاشـي
لاياعلي جنك حروفي بمطراش=وصعب القوافي وان لفت لك تماشـي
ماقيل ابن مسبط تعذر ابمهناش=بالطرق يـسـري والقـوافـي ولا شـي
ابي المرد مثل البرد ماهو اطشاش=يـاتـي مـثـل قـو الـبـرد للـطـشـاشـي
ابي المرد مثل الطلق عند حشاش=ولابـعـد مـثل الـضـوى للـغـبـاشـي
هذا وتمت والنواظر بها اجهاش=وده تـطـول وقــال قــلـبـي بلاشـي
تمت وفكري لابيض الجوف فراش=وحتـى الـخلايا للـقـوافـي عطاشـي
امشي مع الخافق ولااكون غشاش=مادام قـلـبـي عـادل كا لـنـجـــاشـي

[color=#666666][size=6][align=center]

================

تحيــــــــــــــــــاتي