وداعية بوش ..

[رابح الغضيان]

المشاركة الأصلية كتبت بواسطة خلف الغريب

وداعية لبوش عليه من الله ما يستحق في ليلة خروجه من البيت الاسود ..

ثمان سنين : من قتل الحياة وبعث للإرهاب=نعم .. هذا هو الواقع نعيشه من ثمان سنين
اجل حاربتنا من سبة البرجين يا كذاب ؟؟!!=ذريعة للوصول .. ودوب نفهم كذبة البرجين
ما كفاك الخراب اللي نشرته دونما اسباب=هنا وهناك.. وبكل الكرة طاريك دايم شين
عسى الله يلحق الراس الكبير بباقي الاذناب=( صور فوق الكراسي ) ينتشون الذل بالنسرين
وش ذنوب الثكالى واليتامى ؟ اشسووا الشياب ؟= توزع نارك الحمرا عليهم كنك ( التنين )
وش ذنوب العراق اللي جعلته بين ناب وناب=خرابة ما بها الا الموت والتفجير والباكين
بعد كانت منارة تهدي الاقراب والاجناب=تحول ضوءها السحري لعتمة قاتمة هلحين
وش ذنوب اهل غزة يوم تفتح للعذاب ابواب =تنفذها يد اسرائيل وانت مهندس التوطين
قطعت بكفك السودا غصون التين والعناب=لعنك الله عدد ما احرقت من عنابها والتين
وصلت البيت الاسود واستمريت بشريعة غاب=نكبت الأرض واهل الارض من شفناك عام الفين
لك الله ما عرفنا منك غير النصب يا نصاب=متى كانت لك اخلاق ومبادئ صادقة ومنين
حسيبك ربك اللي ما يمشي شي دون حساب=يجيك بعاجل الدنيا عذابك قبل يوم الدين
لا بد الله يكتب لك شقاء وبهذلة واتعاب=عقوبة من حكيم بعدله الا يعاقب العاصين
( دخلت الباب والليلة تبي تطلع بنفس الباب=حصيلك منه : لعنة تحتويك وضربة النعلين)

وسلامتكم ...

صح لسانك

وكفى


لله درك

الشاعروالراوي والاديب/خلف الغريب

بيض الله وجهك

{{يثبت}}


راابح الغضيان