وجهي تغير

[سعود المسعودي]

يا ناس هذا فعل الأيام فيني = وجهي تغير والشعر صاير شيب
راحت حياتي وش بقا من سنيني= غير الجروح اللي بقلبي معاطيب
أضحك وانا همي بوجهي يبيني = والكبد كنه شب وسطه لواهيب
وحتى السعادة مقفية ماتبيني = خلاص ماله في حياتي مطاليب
أقفت وصار الهم هو يحتويني = هم لجابي دون شكٍ ولا ريب
ومن عقب هذا بان شي دفيني = شيٍ بروحي منه أنا أزريت لاطيب
وصبرت حتى الصبر بيح كنيني = وجربت أنا لوعات الأيام تجريب
ومن القهر تصفقك يساري يميني = ولا همني لو يلحقن عقبها عيب
دنياي هذي مابها من عويني = عويني اللي يعلم السر والغيب

منقوله