// صــوت // و صـــــدى //

[فرحان الفدعاني]

هذه القصيده سنده علي الشاعر سالم السويلمي واليكم القصيده وردي عليها

ايه ماني يـا أبـو فايـز نبيـه=ماعرفـت احصّـل لدائـي دوى
لعثمه مابين كيف؟ وبين. ليـه؟=لو فهمت السالفـه مالـي لـوى
قصةٍ مرّت علـى عـدة وجيـه=في ثناياهـا جهلـت المحتـوى
ابتدت بي حلم وانهتنـي سفيـه=والحواس الخمس شلّتهن سـوى
ويحَ قلبـاً مسرفـاً فيمـا لديـه=يرتشفهُ الضيم َوالضيم َارتـوى
ان عقدت العزمَ يعقـدُ حاجبيـه=ان تركتُ الحبلَ في عُنقي انطوى
قد رأيتُ الدهـرَ صُلبانـاً يديـه=وروالـي فـي ثُمالـةَ مـاروى
كاهناً خطت على لوحـي يديـه=خذ فؤادكْ حيث شئت من الهوى
يا أبو فايـزوانـا رجـلٍ نزيـه=عن امـورٍ دون ذاك المستـوى
مارصارت يوم صارت وش عليه=لو يجازا القلـب دام انـه نـوى
مترفٍ غاوي عسى الله يهديـه=شوف عاد الترف لامنّه غـوى
الذياب 2000 من قبلي اتعَوِيـه=ومن تملكتـه ولا ذيـبٍ عـوى
ارقع اشقوقه وبالغصـب ارتديـه=لين نوري في غياهيبـه ضـوى
من عقب ماني بروحي مشتريـه=باعني برخيص ملعـون الثـوى
غرتـه دنيـاه وانسـاق لذويـه=وعلّق بعنـق المواعيـد النـوى
من عقب ماهو بصدري محتويـه=بآخراركونه على الضلع التـوى
ان سألته ليـه ؟ مـط بشفتيـه=واستدارولَدّ واقفى وانـزوى
والجواب اللي من السانـه ابيـه=نام في جمر الشفايف وانشـوى
من قبـل لبـداه قـررت انتهيـه=لو من ايامـه خيالـي ماخـوى
مو غريبه لاهوت عيني عليـه=الغريبه كيف من عينـي هـوى

الشاعر سالم السويلمي






وكان هذا ردي على الشاعرالمبدع سالم السويلمي

ياهلابالجـزل والشعرالنـزيـه=حي والله الصوت يومنـه دوى
شاعر ومبدع مافي له شبيـه=دايمآ قافـه عالـي المستـوى
أشفـق لقافـه قبـل يبتديـه=واحمدالله يوم هو عندي ضوى
هالني باالنص ماخطت ايديـه=شفت انا فيه الدرربالمحتـوى
يابو بندرخابرك رجل(ن)نبيـه=وتعرف ان الحب مافي له دوى
لك حبيب(ن)في حياتك مشتريه=ولاعبن بك لعب ملعون الثوى
سايسه واصبرعسى الله يهديه=لاتقول اقفـى عنـي وانـزوى
خذ كلام الشايب اسمع مالديـه=اعجبك او قولـه مالـك لـوى
الطريق اللي مشيته مشى فيـه=وقلبه من الوجد والهم انكـوى
عزتـي للـي زمانـه يبتليـه=في حبيب(ن) شاطربفن الغوى
اشهد انه طاح ماسمي عليـه=واشهد انه راح باالنار انشوى
العـذارا قيـس خلنـه سفيـه=وباالنهايه مات من طرد الهوى
لاتحير بين كيف وبيـن ليـه=وتنقهروتقول من عيني هوى
مالك الا الصبركان انـك تبيـه=وصبر القلب المشقى لاعـوى
لاجل عينك صاحبك ياصل ذويه=كان قلبك صامل ويمـه نـوى
واذا هي باالمال يرضي والديه=ويدفع اللي يملكه واللي حـوى
وباالنهايه تشبك ايديك بيديـه=وتجتمع وياه في دارك سـوى

فرحان الفدعاني
بتاريخ/8/8/1429هـــ