رتــبـ لي أضـــلاعــي ..!

[خلف الغريب]

المشاركة الأصلية كتبت بواسطة العذبه

::


عذراً للغيابـ ..مصافحة لتجديد المحبه بقلوبكم البيضاء...




ومــيــضــ ..:


ماعاد باقي بي سوى
قلب من الشوق إنزوى ..
هاجر من عيون الجميع ..
وطاح بضلوعك وإنطوى ..
بردان واللهفه وراه ..
تسوق نبضه وتحداه ..
يمك وماغيرك أحد ..
ينجيه لاضامه شتاه ..
يرويه لاذله ضماه ..
يبريه لابخل بدواه ..
أهله وباقي أصدقاه ..
وهذي أنا ......
جيتك وله ياكل حلمي ...
بالحياه ..

::

::

أتنفسك في راحتــيني كــنـك
عطرا تسرب وإنتثر باأجوائي

سلم علي وهات قلبي مــنــك
ورتب لي أضلاعي وعيد إنشائي

مااشتقت لي يامهجتي أو ظنك
تبي تزيد الشوق بي وإعــيـائي

أشتقت لك أحتجت لك رغم إنك
مزروع في دمي ودم أشــيــائي

قريب من نفسي لنفسي لانــك
مصبوب في زادي وشربة مائي

متوسدا قلبي وقلبي مــنــك
إنت دفاه إلى أرتجف وغطائي

أجيك وعيوني معي يرجـنــك
تعطيهن أشواقك قبل إعطائي

يا سري اللي ماتعبت أكـنـك
عن عاذلا ينبش وراء أخطائي

مااتوب عنك لو خذوني عنك
حتى يتوب النبض من أشلائي


::

::

العذبهـ
اتمنى ان تنال اعجابكم

العذبة ..

اصارحك ان هذه المشاركة لم تنل اعجابي ..

هنا لا احب ان اجامل والمعذرة من الجميع ..






































والله انها ملكت اعجابي كله ايتها العذبة العذبة ...

كلها جمال ..

مدخلها ..

فكرتها ..

بحرها ..

قافيتها ...

خروجك منها ..


ابداع في ابداع .


بس فيه شي باقوله :

ليش هالغياب ؟

بانتظار القادم الجديد ..

تحياتي ..