ياشمعة الصبيان عمر لنا البوز

[سليمان الجعفري]

كان عقاب بن سعدون العواجي ذاهب مع احد رفاقه وضافوا عند رجل ولم يذبح لهم

وكانو ضيوف يستحقون الذبيحه وعنما جاء الصبح سأل عقاب راعي البيت كم تسوى الذبيحه

قال بكذا واعطاه قيمة الذبيحه وقال له عقاب اعطني عظم الساق وباقي الذبيحه لك

(على شان يعمر به دخان ويحرج المعزب لانه ماذبح لهم )

وفعلاً اخذ عظم الساق وترك الباقي للمعزب

وقال هذه القصيدة يخاطب بها رفيقه

ياشمعة الصبيان عمر لنا البوز = طسه من التتن الغويري وناسه
اطيب علينا من قبل كل منبوز = كيف ليا جا الراس يغدي عماسه
مع دلةً يوجد بها الهيل والجوز = مع كل كيفاً عــارفـيناً قيــاســـه
مع كبش مصلاحاً له العتل مركوز = ومفــرشاً حــب اللقيمي لباسه
يعبى لد سمين الشوارب هل الروز = فكاكة المظهور يوم احتواسه
ربعي هل العادات ما ضربهم هوز = كم واحد من ضربهم طاح راسه
(ماهم مشاورة العجائز على الكوز = اللي سوالفهم دروب الخسا سه )
يا الله يا اللي تنبت الحب لدروز = لا تجمع الفضــه لصـــفر النحاسه
كم واحداً همه وراء القلب مكنوز = تمضي وهي بالقلب مثل الهراسه

وسلامتكم

امل ان تحوز على ضاكم