الله على اللي لاغدى الخط فرعين=يسبق سريعات الرياح الصلايف
صنع ادمي (ن) من فصيلة شياطين=مخه نضيف ولاتهمه كلايف
عليه من شبه الجزيره عناوين =دار بها نسل الموحد خلايف
اسياد نجد وشعلة الحق والدين=احماةيثرب والحرم والمصايف
لياشتغل ياكن صوت القزوزين=رطن المريكي مثل ماقال نايف
ماطور ضخم وبارك بين شاصين=بركة احوار بيسر امه مسايف
وليامشى يهوي اهواي الشياهين=لطيرن من راس غارن مهايف
والاوسيم طالعنه مزايين=الكل منهن باهره بالوصايف
سواقه اللي لاغداالليل ليلين=مايطري الذله ولاقيل خايف
مايرتعد ضاري على الزين والشين=قلبه حجر بين الضلوع النحايف
من عادته مايرجع بخفي حنين=قرم وفطين وبالمساري درايف
28/02/09, (07:16 PM)
من هدايا الشاعر متعب المطلق العنزي لشبكة ويلان العربيه (بالجمس)
العرض الشجري