محاورة بين الشاعر / عبدالله المسعودي و جارالله السواط

[عبدالرحمن اليمني]

محاوره بين الشاعرين/المسعودي و السواط

( المسعودي )

هلا مرحبا ترحيبة مثل الاسلاك .,’’,. يقلط بها الخاطر ويشرح ضميره

وياكم من راس يكيف بتنباك .,’’,. بلي و ابتلي ماعاد عنده بصيره

( السواط )

يدوم البقاء ياللي جزيله عطاياك .,’’,. لكن انتبه للقمبله والذخيره

سنون الجمل من قوها تقضم الراك .,’’, يشيب الولد لو ابدي الك السريره

( المسعودي )

ولا ياجمل ياللي تحرك تحراك .,’’,. سمعنا رغاه ولا سمعنا هديره

تغسل بصابونه ومسوك بمسواك .,’’,. تهون المسايل والكبيره صغيره

( السواط )

جمل حر يرمي بالسهم ماتعداك .,’’,. وكلآ بدا للناس شره وخيره

انا لو سمعت العلم من ذا وهذاك .,’’,. يشد القطير اللي مصادف قطيره

( المسعودي )

بعد ما رميت السيف من كف يمناك .,’’,. مايمديك تصطاد الخصوم بجفيره

ياليتك تلقيها جلاميد علباك .,’’,. وتقنع من المولد بحبة شعيره

( السواط )

معي سيف ابو حدين والوقت وراك .,’’,. لياليك و ايامك تراها خطيره

ولا يا بديوي لم ضانك ومعزاك .,’’,. وجودك على طعم اللبن والمضيره

( المسعودي )

انا اقول لو سيفك يعشيك عشاك .,’’,. ماتمرح جياع الا الجيوب الفقيره

انا ارعى الغنم مير انت من عاد يرعاك .,’’,. ليا جتك عمسات الليالي مغيره

( السواط )

لك الله مابدي سري مثلك وشرواك .,’’,. ابا استرك لك رب يحب الستيره

لابضحك من اضحوكك ولا ابكي من ابكاك .,’’,. دموعك على خدك وثوبك نثيره

( المسعودي )

متى ينوكل زادك متى ينشرب ماك .,’’,. مادامت فراشك فوق شوك الحظيره

لا باخذ من الهندي ولا قلت له هاك .,’’,. مقلط يدياته لجرة بعيره

( السواط )

اشبعك من زادي ولي عدآ ارواك .,’’,. وعيدي صلاة الصبح ابا دق زيره

كلامآ سواة الحبر يكتب فالابواك .,’’,. الا شرم نفخ لكن ماشب نيره

( المسعودي )

انا عارفآ سقمك وانا عارف ادواك .,’’,. وكلآ يعرف ابا الحصين وخشيره

تحدا المصايب و المصايب تحداك .,’’,. وربي رزقك بواحدآ تستشيره

&&&&&&
انتهت المحاوره،،،،،









(تنبيه : حقوق الكاتب محفوظة. نشر النص بالتّاريخ 02-03-2008 منتديات المشاهير