يالجعفري تستاهل الشاذليه

[راعي سميراء]

المشاركة الأصلية كتبت بواسطة منصور الجلعود

بسم الله الرحمن الرحيم
السلام عليكم ورحمة الله وبركاته

همسة اعتذار لويلان الحب والاخاء=
=
ماجيت أقول ان العذر يدمح الذنب=لاكن أقول العذر واجب عليه

بعد طول الغياب أعود لكم ادارة ومدراء ومشرفين وشعراء وقراء
في شبكة ويلان

على أمل ان يدوم التواصل باذن الله



وهذه القصيدة قلتها بمناسبة تعيين المهندس/سعود بن مهل الجعفري
عمدة لأحياء سلطانة والشقة والعليا التابعة لمنطقة القصيم

عذروبي اني كل ماقيل وايل=جيتك وكلي نخوة ٍ وايليه
وعذروبك انك كل ماطال طايل=تطول فوق الطايلات العليه
ياسعود يا راع الوفا والجمايل=يالجعفري تستاهل الشاذليه
يافخر ربعك ياعريب السلايل=يا راعي الوقفات وراعي الحميه
جيت أفتخر بك ياكريم الخصايل=ياللي على المعروف نفسك هديه
خدمت دينك والوطن بالفعايل=وليمنى هلا العوجا يمينك وفيه
وحنا معاهم بالرخا والنزايل=لو ثارت الهيجا ودارت رحيه
حنا فدى أهل السيوف الصقايل=نسل الامام اللي عزومه قويه
عبد العزيز اللي لطم كل عايل=وخلا السرايا كل أبوها سريه
حنا فدى اموحدين القبايل=آل السعود آل النفوس السميه
عبد الله اللي للثقيلات شايل=حلال عسرات الظروف العصيه
قايد سلام المملكه بالرسايل=وناشر كتاب الله وسنة نبيه
وسلطان أبو خالد كريم السبايل=اللي يمينه بالعطى حاتميه
هو درعنا لاصال صايل وجايل=وسلاحنا لاثارت البندقيه
واخوانهم حاشوا جميع الفضايل=اللي تواصوا بالمكارم وصيه
عاداتهم كسب الصفوف الأوايل=والحلم والاحسان ودمح الخطيه
والختم صلوا عد ماقال قايل=صلوا على المختار خير البريه

,

الغالي : ابو جلعود

صح الله لسانك يابن عمي على الجزلة

شكر الله سعيك وبيّض الله وجهك

ويستاهل الفاضل / ابو فيصل كل خيررر

ماقصرت يالقرم

ولاهان راسك

دمت بخير