اهداء الى اعضاء منتدى الويلان والى الغالي عيد المطرفي .....
الشمس غابت وادمس الليل ياعيد=وشلون اباركد دام مابه ركاده
رد الخطا لاهل الخطا واكسر القيد = وراع الجمل قله يوثق قياده
لابوه قلب" يخضع لعين تغريد = ولابوه راس" ينحني للقراده
ماهلت دموعي على باشة الغيد = ولازعزعتني بالغلا كل غاده
ولارحت ادور من ورا الناس تمجيد =لاغرت اليمنى محاري زناده
من عرض ربعي لانتخوا بالاواليد = والشيخ يحمي بالشدايد شداده
والصوت عقب الفوت لافات مايفيد = دام الزمان المر همه قلاده
لاوالله الا ضاع بالطوش صنديد = وطاح الشجاع اللي عثربه جواده
والهرج يسمج لاصبح الهرج ترديد=لاصار كل" يدعي بالقياده
قدقيل عرعر ماتجي زي مدريد = وقد قيل من حاول يحقق مراده
وانا على خبرك اروم العناقيد = عنقود طيب" مايخسر حصاده
هالراس ثابت ماتهزه حواسيد = ماينحني الا لربي عباده
لني رجل ماجيت درب المناقيد = ربيت تحت اللي له الطيب عاده
شاعر ولاهمه رضا زيد وعبيد = وجور العواصف مايهزن عناده
والشعر حس" يعشقه كل تجديد = من بدع راس" ماثنته الاراده
لاهاض جن الشعر من دون تقييد = واستخدمت بالقاف حرب الاباده
ياعيد تكفى خلها دون تحديد = كل" يفسرها بحسب اعتقاده
هالناس مبطي تاخذ العلم وتزيد = ولابه جديد لياحصل به اعاده
بس انت طنش واظبط الشاي ياعيد = وعطني بيالة شاي سكر زياده
20/04/05, (06:09 PM)
طاااااااح الشجاااااااااع
العرض الشجري