اول عدوتنا الوحيده اسرائيل

[محمد العاند]

بسم الله الرحمن الرحيم
اخواني في منتدى ويلان اضع بين ايديكم هذه المتواضعه واتمناء ان تنال اعجابكم
وهي تحاكي الهم العربي الحالي

الوضع ياساده ماهو حمل تاجيل= ان مادرسنا وضعنا ما قرانا
اول عدوتنا الوحيده اسرائيل= واليوم حتي من بعضنا عدانا
ضعنا ورا زيف القيم والتماثيل= حتى الدعا نبخل على الله دعانا
نص العرب تهوى السياحه على النيل= يالله من بعض الذنوب اتحمانا
تقليد لاهل الغرب بالحط والشيل= لا لبسنا.. لا مشينا.. لا هوانا
والله لو انا نواخذ على القيل = كان ارضنا يطبق عليها سمانا
لكن ربي يدفع الجيل بالجيل= ونبقى عبر لاجيالنا من ورانا
يا امة الاسلام شبوا قناديل= على طريق اللي لهديه هدانا
ماعاد ينفعنا الغنا والمووايل= ياناس فنان العرب وش عطانا؟؟
ارض العرب ساحه لكل البهاذيل= كلن يجرب قوته في فنانا
والموت باطراف العرب يحسب الميل = تخطيط من ياهود مدري سولانا
وراع الغنم بالمختبر والتحاليل= وان ماسقانا سم غيره سقانا
والزول مابين الئشبك والمحابيل= حلمه يدور له ذرا في ذرانا
ياعرب هبوا لا تضيع المحاصيل= كل الفتن ديروا عليها رحانا
اما حمينا الدار هي والمعاميل= ولا نموت ولاتحلق لحانا

[/poem]