مشاعرالحب والولاء

[خلف الغريب]

المشاركة الأصلية كتبت بواسطة فحاط مهنا العنزي

أعضاء وزوار شبكة ويلان العربية

السلام عليكم ورحمة الله وبركاته وبعد
الكل يدعي لصاحب السمو الملكي الامير سلطان بن عبد العزيز بالشفاء العاجل
شفاه الله انه هو الشافي الكريم وهذه القصيده هي مجاراه لدعاء أهل الخير
وهي مشاعر الحب والولاء .

ياعزهم يا درعهم ياذراهم=لك بالشفا كل المخاليق يدعون
الناس يسمع بالمساجد دعاهم =موعود خيراللي دعا خالق الكون
ياملح دنياهم ونوراً قداهم =هذا دعا للناس بالدين مسنون
ما ألومهم لامن دعو من غلاهم=للي لقوا بعد الولي منكم العون
يبونكم عونن لحامي حماهم = فخر الملوك اللي له العهد مصيون
ربي كريم ولايخيب رجاهم =اللي حفظ يوسف وموسى وذالنون
الشعب يفرح وانت تفرح معاهم= باذن الولي قريب والكل ممنون
وسلام يا سلمان فزت برضاهم = غرست معنى للأخوه ومضمون
ويجزيك ربي خير باني سماهم = ياامير نجد اللي على السر ماَمون
وختامها يارب حقق مناهم = يامكون الأكوان بالكاف والنون
وصلوا على اللي كل الأمة دعاهم = عداد ما حجاج مكة يلبون

العزيز فحاط بن مهنا العنزي ..

اولا الف ترحيبة بك في ويلان وكلنا سرور بهذا التواجد الجميل ..

مشاعر وولاء لا يستغرب منك ومن ابناء قبيلة عنزة وكلنا نتوجه الى الله ان يشفي سمو ولي العهد وان يعيده سالما الى قلوب محبيه قبل ارض وطنه ..

ربي كريم ولايخيب رجاهم
.....اللي حفظ يوسف وموسى وذالنون
الشعب يفرح وانت تفرح معاهم
....... باذن الولي قريب والكل ممنون

الف صح لسانك وبيض الله وجهك ..