نبيك يا سلطان متى تجينا

[شجاع النومسي]

نبيك يا سلطان متى تجينا
الله يجيبك للوطن بالسلامة
ياسيدي تسلم ياذرب اليمينا
الشعب يدعيلك ويرسل سلامه
والله لرؤيا شخصكم مشتهينا
متى نشوفك فالعمل ببتسامة
ياسيدي دمتم لنا طيبينا
نايف مطمنا وجتنا علامة
الله عساكم للوطن سالمينا
تسلم يأبو خالد يارجل الشهامة
ياحي ياقيوم تعقل علينا
اللي على شعبه كثير اهتمامه
الصبر مفتاح الفرج لابلينا
ياسيدي تسلم ياراع الكرامة
الله يعينك هو خيار المعينا
يعطيك صبر وعزم يجلي سقامه
رجعتك غايتنا ومستبشرينا
ترجع وتاج الطيب تحمل وسامه
سلطان يابيت الأمان الأمينا
ولي عهد وفيك خير وزعامه
نشتال همك لجل منى وفينا
مرجع لنا واجب علينا احترامه
نجزع ونفزع لا اعتزوا محتمينا
تحت أمرهم لو في بحور طمامة
لن كان رضيوا من رضاهم رضينا
وفراحهم فرحة لنا والتحامة
عضيد أبو متعب ملكنا وبينا
الله يثبت به ويرفع مقامه
ما دام هم حكامنا مسعدينا
في خير عشنا ما شعرنا الندامة
حكامنا آل سعود أسود العرينا
حكامنا دايم ليوم القيامة
دين وأمان واقتصاد متينا
دولة سلام وشرع قايم نظامه.
شعر( راشد حسين هندي السلمي)