هجوس الشعر وسالم بن جخير

[أبو غرام]

بسم الله الدايم ولاغيره يحقله الدوام
الواحد اللي في سماه وفوق عرشه معتلي

صلى الله وسلم على شفعينا خير الانام
اللي هدانا للصراط وللكتاب المنزلي


من بعد هذا ياهجوس الشعر هيا والهمام
ان كــان مــاوردتـش اعـدوود الـروا حـقـش عـلــي


شاعر ولا مني مشيت امشي على حسب النظام
وابـيــات شـعـري كـلـهـا مـثـل الـجـواهـر والـحـلـي


ولا مدحت امدح هل الطاله رفيعين المقام
اعرف متى اسوق جملي واعرف متى ارد اجملي


سلام ياقايد هل البحرين واثني لك سلام
اعــداد حــبــات الــثــرىآ واعــداد هـــمــال الـولــي


سلام من احلى من قرا حلمه من بعد طول الصيام
وآلـطـف من الـنـسـنـاس واعـذب من مـواريد الدلـي


ياعدًل من الميزان واصدق من هماميل الغمام
واحــن مـن قـلـب الـولــي لاحــن قــلـبـه لـلـولـــي


ويبلغ من الطعنات بالخنجر وبالسيف الحسام
ويـنعـم مـن الـديـبـاج وانـواع الـلـبـاس الـمـخـمـلــي


الا رضيت تهون الكايد الى برد وسلام
والا زعـلـت تـشـب نـار الـحـرب حـتـى تـصـتـلي


ولا عتزت بك عزوتي شيخان في يوم الزحام
تـاقـف لـهـا وتـقـول بـعـلـى صـوت يـابـنـت اقـبـلي


انا اشهدٍ انك شوق زاهيت المصايف واللثام
وانـا شـهـد انـك فـوق رووس الـنايـفـات الـزحـلـي



يحق لك لي قلت انا القايد انا نسل الكرام
ماهي غريبه وانت ابن عيـسـى وسـاسـك وايـلـي


طورت مملكتك الى افضل شي واحسن مايرام
واعـلـنـت يـاشـعـب الـوفـا مـسـتـقـبـلـك مـسـتـقبلـي


ومشيت درب الحق ضد التفرقه والانقسام
ورفـعـت صـوت الـعـز يـالـبـحرين نامي وازهلـي


خل الحسود يخش راسه في الرمل مثل النعام
لن الحـسـد بـلـوى وراعـيـه بـنـفـسـه مـبــتـلــي


وحنا معك في ما تبي الى الامام الى الامام
في الـجـو ولا الـبـر ولا في الـطريـق الساحلي


نضيم عدوانك علشانك وحنا مانضام
ونشوش لامن عـودت فـزعـه ونـخـوه وصـمـلـي


ولا عرجنا بـالأسـامــي مــاعــرجــنــا بـالـكـلام
واصـدورنـا مـن عـزة الأنـفـس تـفـيـض وتمتـلـي


ياسيدي بقولك حاجه ولا فيها ملام
اسـتـاذنـك واقـولـهـا لـك واسـتـمـع فـي مـا يـلـي


فكره وقد قيلت واذا قلتها ماهو حرام
حـبـيـت اجـددهـا بـتـرتـيـبـي وشـغلــي وعــمــلــي


حنا ترا يام العريقه وانت عارف ويش يام
كـبـيـرنـا مـطـنـوخ واصـغـرنـا يـجـي قـرم وشلـي


ولا طلع فينا جبان يخاف من جنح الظلام
اخـر نـتـيـجـه عـنـدنـا يـذبـح مـثـل ذبـح الـطـلـي


ابشر بعزك كلنا من دونك انشد الحزام
نـاقـف مـثـل عـثـمـان ولا مـثـل بن طالب علـي


لك الولاء والود والتقدير واسماء الاحترام
واقـلـوبـنـا لـك بالـوفـاء والـصـدق مـافـيـهـا خـلـي


لاكن باقي بيت بقوله قبل مسك الختام
والبيت هذا يـطًـبـخ فـي الـراس طـنـخـه ويـغـلـي


لو اني ادري ان موتك قبل موتي لو بعام
لا اعـطـيـك هـذا الـعـام وودع اربـوعـي وهـلـي