... (((((( الحــــروف الابــــجديـــــه !!!!))))))

[مصلح النشمي]

.


كم هو صعب عندما تشعر بعجز الاحرف الهجائية عن التعبير عما يجول بخاطرك..

هنا.. استفزعتها لا لأن تحضر ..لانها لن تفي بما اريد قوله,,, ولكن كي تخلق لي

احرفا هجائيه جديده



لكم ولقلوبكم الطاهره...

افزعي لي يا الحروف الابجديه = واحضري حرفٍٍ جديدٍ ما انكتب به
با..اتوجد واختمك يالقاف بـ.."إيّه"= با..اتوجد واختمك يالقاف بـ.."أبّه"
ياوجودي وجد ذباحٍ خويه = مايبيها مير هو فيه امـ..تشبه
وطالبوه عيال عمه والحميه = وكل من حوله لفى يمه طلبه
وراح روحه ماوراها اي جيه = ناصي الغربه ودارٍ يغتبرب به
ماترك خلفه سوى أمه وخيه = وعودٍ .. السكّر .. مع ايامه لعب به
وان غشاه الليل دنّى الشاذليه = وارسل الدمعه ودعواتٍ لربه
اشهد اني بحالتي اصبحت زيه =في غياب اللي رماني وسط حبه
ومن يلوم اللي تولع في بنيه = عمرها عشرين عامٍ ينحسب به
ان تهادت .."زولها" يذبح بغيه = "زول" طفلٍ .. لاتهادى ايقول "ببّه"
لا استعدت ..زول من يضرب تحيه = ولا استراحت..راحت الخلق بمغبه
اشتريها بألف طعنه والف كيه = واحرق بقلبي علشانه واشبه
جيتها (عفو) ولفتني بـ(الخطيه)!!= وكل (ذنبٍ) وصلها لازم يجبه
راحت وخلت بإيديني هالوصيه = (خذ قليل الشي دام انك تحبه!!)
كنها حلمٍ مسكني مع يديه = جيت اضمه.. قال: أنا آسف مشبه!!
وجاوبيني يالحروف الابجديه = هو بقى عندك جديدٍ ينكتب به !!!

لكم حبي