مدي يمين الوصل

[سعود المسعودي]

المشاركة الأصلية كتبت بواسطة نشمي الماضي

جودي علي بالوصل لاتقطعيني=شوفي خفوقي ذايب ٍ من تغليك
ياساكنه مابين رمشي وعيني=و بميزان قلبي راجحه في معانيك
مدي يمين الوصل /هذي يميني=امدها من قلب صادق ومغليك
حسي بلهفة خافقي وارحميني=حسي بروح اللي شكى منك واليك
أشكي وانا نوم العرب مايجيني=واصبح على هم ٍ به العين تبكيك
ولعت لك شمعة أمل في يديني=وخليتها تحرق خفوقي وانا أرجيك
الصبر مثل النار بيني وبيني=اشيلها بسكات واتبع خطاويك
ماغير لك أشكي وابيّح كنيني= و ماغيرك انتي قلب نشمي يناديك
طيف السهر في صورتك مبتليني=يزورني في كل ليله واناجيك
واليا لمحت الطيف زود حنيني=تسري بي الذكرى على أحلا لياليك
وافيق وانا أقول وينك وويني=ما ترحمين اللي مصيره على يديك
جودي علي بالوصل والا أقطعيني=وخوذي معك باقي خيالك وطاريك

صح السانك ملايين ولايكفون

ابداع يعانق السماء




لك الاحترام والتقدير