مـن لا مـشـا درب المـعـزه برجلـيـه=
يفرش علي درب المهونه له فراش =
ومن لاكسب صيته من افعول ايديه=
لاشن ولـو ماكـان والـده هـو لـلاش =
وكـلـن عـلـي قــده لحـافـه يغطـيـه=
وكلـن علـي مــده زهـابـه لـطـراش=
ومن لا حلم من هرجتن جات تعميه=
انشهـد انــه يـربـش الـربـع اربــاش =
وكلـن يثبـت كلمتـه ان قـال ياهـيـه=
لوهـي كليفـه يدفـع النقـد والكـاش =
وكلن علي علمه تـرا النـاس تجزيـه=
امـا علـي الديبـاج ولا علـي خيـاش =
وان زان وقتـك بــاول يشـيـن تالـيـه=
ولاتامـن الدنيـا تــرا الـوقـت بـكـاش =
يقـولـهـا مـــن ذاق مــــره وحـالـيــه=
ثابت علي ضيم الزمن دوم منحاش =
والمرجـلـه لرجـلـن نقلـهـا نـخـاويـه=
لرجلن نقلها ماهي لكـل مـن عـاش =
والعلم وصله واللي بالقلب ماخفيه=
يـزعـل ويـرضـا لابــو لابــوه قـطـاش =
06/06/09, (12:43 AM)
كلن على قده لحافه يغطيه
العرض الشجري