ينصـ~ـاع راسٍ ماطرى يوم ينصاع .. و أجيك ماكني من عيال وايـ~ـل ..][قصائـد لم تكتمـل

[مشاري البواريد]

السلام عليكم ورحمة الله وبركاته

تحية عطرة للجميـع


أحيانا عندما يحس من يكتب القصيدة أن رسالته قد وصلت من خلال بيتين فقط ، أو بيت ٍ واحد أحيانا .. هنا يتوقف عن إكمال القصيدة

أضع بين أيديكم بعضاً من أبياتي المتواضعة بعد ما توقفت عن إكمالها ..

***

يقبل وأحس بثاير الشوق ساكن
بعيونه اللي تنكسر خوف ويروح

وده يبيّح سد الآهـاات لـكـن
حال الخجل بين التناهيد والبوح

.
.

مابيك تشرح ماني بحاجة الشرح
أنا دخيلك تقصر الهم .. وتـروح

.
.

تدري متى العبرة تجي غيض وتحير
وأحسها بحلقي سواة القزازة؟؟

لاجيت تنشدني عن الحال ونصير
مثل القتيل وقاتله ، بالجنازة

.
.

خلاص أبطلع من حياتك وأخليك
يمكن بعد فرقاي تزهى حياتك

.
.

بكرة يدور الزمان وتبكي عيونهـ
يخونه الوقت والا تخونه أحبابه

خلوه يبعد بكيفه لا تنادونهـ
بكرة يجيني مرد الـ(...) قصآبه

.
.

لحظة ذهول /وإنكسار../وحسافة
تخيلي .. كل الثلاثة بلحظة؟!!

.
.

يا راس مالي هالقصايد والأوراق
أزريت لا أطلع عقبه بـ راس مالي

هو والليالي وقفولي على ساق
يكذب علي ، ويفضحن الليالي

.
.

أما تجيني لهفتك تسبق إخطاك
وإلا بلاها جيـّتـك ،، لا تجيني

.
.

إنسى هموم الوقت وهموم دنياك
وإضحك وخلك طول الأوقات رااايق

ليه إتتضايق دام الكون يفدااك؟!!
مافيه شي ٍ يستحق إتتضايق

.
.

مديت لك يدّي دفا وأنت بردان
يالعنبوك شلون عضيت يدي ؟!!

.
.

يابنت انا من رووس ناس ٍ عزيزين
نموت جوع ولا نذوق المهونـه

يمكن (طفارى) ماورثنا ملايين
لكن ورثنا عز ماتلحقونـه

.
.


كانت بداية ، غير كل البدايااات
بس النهاية، لعنبوها شنيعـة

.
.

ينصـاع راس ٍ ماطرى يوم ينصـاع
وأجيك .. ماكني من عيال وايل!!




وسلامتكم جميعـا ،،،