وأنا اعشق الويلان ياأمة الضاد = =وحبي لهم ماله مسافات وحدود - °~*¤®§(§ شبـــكة ويــلان العـربـيـه §)§®¤*~ˆ°

**بنت راشد** · 14/06/09, (02:11 PM)

السلام عليكم ورحمة الله وبركاته00
اسعد الله اوقاتكم بالخير والمسرات

اخواني اعضاء هذا الصرح الشامخ بشموخ اهله و

يسعدني ويشرفني الأنضمام اليكم

وأقدم هذه الأبيات كمصافحة أولى كما لايفوتني أن أشكر الإ دارة على قبول عضويتي.

ربعي هل البلها أهل خيل وشداد = صفوة بني عناز والقول مسنود
ربعي هل الطولات وضد للأضداد =ربع الفقير ليا صدق كل منشود
بشهادة اللي حايز كل الأمجاد =عبدالعزيز مرجع المجد لسعود
فخذ من الويلان وأقلها أعداد = بهم تميز والتميز على زود
صرح بها وأعلن بها وسط الأشهاد = يوم المراجل بين حاوي ومردود
مالي على ماقلت غاية ومقصاد = هذي روايه والروايه لها بنود
ابي اسجلها على لسان قصاد =لا جتهم الذمه على لسان جاحود
العفو والله ما نتقص حق الاجواد = وكل القبايل تعشق الطيب والجود
وأنا اعشق الويلان ياأمة الضاد = وحبي لهم ماله مسافات وحدود
وصلاة ربي عد رمل بالاجراد = وعداد ماهب الهوا وذعذع النود