عــــيــــون الثـــــلـــــج

[رابح الغضيان]

المشاركة الأصلية كتبت بواسطة الخاطر

السلام عليكم ورحمة الله وبركاته
مسائكم خير وشعر.
مشاركه اتمنى ان ترتقى الى ذائقتكم الشعريه.ودمتم بكل الخير.

الشمس دارت وأثرت بالحراره=ذابت عيون الثلج من قبل جسمه
موقف اشوفه بين تاره وتاره=والا الصحيح انه تعابير رسمه
احيان أحس اني فهمت الاشاره=وأقول قسمه بين قسمه وقسمه
واحيان مدري والمراره مراره=اما لزمت الصمت وان صحت باسمه
شي يمرك وان تعدًى مداره=لا ماسلمته والمشاريه دسمه
ياصاحبي باس الحديد انصهاره=مثل المطر لامن تعداه وسمه
ماهي سوا درب الوعاره وعاره=والا الرجا كلن وللكل قسمه
اما اخذت من الصداره صداره=والا رضيت الصمت من غير بسمه
انا بدويً النفس قبل الحضاره=يعني عزيز النفس والليل عسمه
اهل الصقاره باخصين الصقاره=واللي وسمها باخصن وين وسمه
واللي على بالي وتملك وقاره=تمر فيني بين نسمه ونسمه
بين الضلوع هناك بأقصى مدراه=محفور اسمه والمعاليق باسمه
هناك بس هناك وقع الحراره=يومن تذوب العين من قبل جسمه
هناك كل الكون زاد انصهاره=واللي بقى منها وبالعين رسمه

الله الله عليك

شعر ومعنى ومغزى

مفردة حديثه وجميله

لايجيدها إلا القليل من الشعراء والمبدعين امثالك

رائعه

الخاطر

(محمدالعنزي)


صح لسانك وبيض الله وجهك على هذا النص الشامخ

جدير بالتثبيت


تحياتي يالغالي وإلى الامام وبالتوفيق


(يثبت)